Goa Athletics: राष्ट्रीय खुल्या स्पर्धेसाठी गोवा ॲथलेटिक्स संघाची तयारी सुरू; बांबोळी येथे प्रशिक्षण शिबिर

Goa Sports News

सासष्टी: गोवा ॲथलेटिक्स असोसिएशनने ६३व्या राष्ट्रीय खुल्या ॲथलेटिक्स स्पर्धेसाठी गोव्याच्या सीनियर संघातील खेळाडूंची निवड केली आहे. निवड झालेल्या खेळाडूंसाठी प्रशिक्षण शिबिर बांबोळी येथील ॲथलेटिक्स स्टेडियमवर सुरू आहे.

पुरुष संघ : अनंथ कृष्णा पिल्ले (लांब उडी), आग्नेलो कार्व्हालो (२००/४०० मी. धावणे), देवराज चलवाडी (४०० मी धावणे). महिला संघ : सपना पटेल (१५०० व ५००० मी. धावणे), साक्षी कोरेकर (१०० मी. धावणे).

दरम्‍यान, अलीकडेच झालेल्या ५५व्या राज्य अॅथलेटिक्स स्पर्धेतील कामगिरीवरून या खेळाडूंची निवड करण्यात आली आहे. राष्ट्रीय अॅथलेटिक्स स्पर्धा ३० ऑगस्ट ते २ सप्टेंबर यादरम्यान बेंगळुरूत श्री क्रांतिरवा स्टेडियममध्ये होणार आहे.