Goa's Pride Arohi Borde : गोव्याची आरोही बोर्डे चमकली, 68व्या राष्ट्रीय जलतरण स्पर्धेत जिंकले 'गोल्ड'!

पणजी: गोव्याच्या आरोही बोर्डे हिने 68व्या राष्ट्रीय शालेय जलतरण स्पर्धेत सुवर्णपदक जिंकले. स्पर्धा गुजरातमधील राजकोट येथे सुरू आहे.

राज्यातील अव्वल जलतरणपटू असलेल्या आरोही हिने 14 वर्षांखालील मुलींच्या 200 मीटर बटरफ्लाय शर्यतीत 2 मिनिटे 25.02 सेकंद अशी वेगवान वेळ नोंदवत सुवर्णपदकावर नाव कोरले. सीआयएससीईच्या शेलिन सुनील हिला रौप्यपदक मिळाले. तिने 2 मिनिटे 25.15 सेकंदव वेळ नोंदविली, तर आसामच्या अंगरिका सैकिया हिने 2 मिनिटे 42.41 सेकंद वेळेसह ब्राँझपदक मिळविले.

आरोही ही कांपाल येथील खेलो इंडिया राज्य क्रीडा उत्कृष्टता केंद्रातील जलतरण प्रशिक्षणार्थी आहे. तिला या केंद्राचे जलतरण प्रशिक्षण टी. ए. सुजित यांचे मार्गदर्शन लाभते. आरोही मिरामार येथील शारदा मंदिर स्कूलमध्ये आठव्या इयत्तेत शिकते.