पणजी: स्पोर्टिंग क्लब द गोवा संघाने पेनल्टी शूटआऊटमध्ये सेझा फुटबॉल अकादमीवर ४-१ फरकाने मात करून गोवा फुटबॉल असोसिएशनच्या (जीएफए) चॅरिटी कप जिंकला. म्हापसा येथील धुळेर स्टेडियमवर शनिवारी दोन्ही संघ निर्धारित वेळेत १-१ असे गोलबरोबरीत होते.
निर्धारित वेळेत संकल्प काणकोणकर याने ३७व्या मिनिटास सेझा अकादमीचे गोलखाते उघडल्यानंतर सामन्यातील आठ मिनिटे बाकी असताना फ्रान्सिस फर्नांडिस याने ८२व्या मिनिटास केलेल्या केलेल्या गोलमुळे स्पोर्टिंग क्लब द गोवाने बरोबरी साधली.
पेनल्टी शूटआऊटमध्ये स्पोर्टिंग क्लबच्या डॉयल अल्वेस, मायरन फर्नांडिस, सेल्विन मिरांडा, क्लुसनर परेरा यांचे फटके अचूक ठरले, तर सेझा अकादमीतर्फे फक्त क्लाईव्ह मिरांडा गोल करण्यात यशस्वी ठरला. श्लोक तिवारीचा फटका स्पोर्टिंगच्या गोलरक्षकाने अडविला, तर ओमकार शेटगावकरचा नेम चुकला. जीएफए अध्यक्ष कायतान फर्नांडिस यांच्या हस्ते बक्षीस वितरण झाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.