Goa Sports: मानांकन टेबल टेनिस स्पर्धेत आता अंतिमचा थरार

क्लब टेनिस द गास्पार डायस खुल्या अखिल गोवा प्रमुख मानांकन टेबल टेनिस स्पर्धेत मानांकित खेळाडूंनी अंतिम फेरी गाठली. स्पर्धा मिरामार येथे सुरू आहे.

मुलांच्या १७ वर्षांखालील एकेरीत अॅरन फारियास व रिशान शेख यांच्यात विजेतेपदासाठी लढत होईल. ११ वर्षांखालील मुलांच्या एकेरीत युग प्रभू व ईशान कुलासो विजेतेपदासाठी खेळतील. महिला एकेरीत प्रज्ञा कारे व नीझा कामत यांनी अंतिम फेरी गाठली. चुरशीच्या उपांत्य लढतीत प्रज्ञा हिने अखेरच्या गेममधील चार गुणांच्या पिछाडीवरून ईशिता कुलासो हिला ३-२ असे हरविले. नीझा हिने अदिती चोडणकरला नमविले.