Bandodkar Football Trophy: चेन्नईयीन एफसीची दणदणीत सलामी! चर्चिल ब्रदर्सवर ४-१ फरकाने विजय

Bandodkar Football Tournament

पणजी: चेन्नईयीन एफसीने भाऊसाहेब बांदोडकर मेमोरियल ट्रॉफी फुटबॉल स्पर्धेत दणदणीत सलामी देताना चर्चिल ब्रदर्सवर वर्चस्व राखत ४-१ फरकाने विजय नोंदविला. ब गटातील सामना रविवारी फातोर्डा येथील पंडित जवाहरलाल नेहरू स्टेडियमवर झाला.

दोनवेळच्या आय-लीग विजेत्या चेन्नईयीन एफसीच्या विजयात एल्सन डायस (९वे मिनिट), विल्मर गिल (३२वे मिनिट), गुरकिरत सिंग (४४वे मिनिट) व बदली खेळाडू इरफान यादवड (६५वे मिनिट) यांनी प्रत्येकी एक गोल केला. सामन्याच्या १९व्या मिनिटास किलाने डायमांडे याने चर्चिल ब्रदर्सला बरोबरी साधून दिली होती.

डिफेन्सा जस्टिसियाचा सामना लांबला

अर्जेंटिनातील क्लब देपोर्तिव्हो डिफेन्सा जस्टिसिया संघाचे गोव्यातील आगमन लांबल्यामुळे ब गटातील त्यांचा रविवारचा ओडिशा एफसीविरुद्धचा सामना सुमारे दोन तास उशिरा सुरू झाला.