Open FIDE Chess Tournament: अभिमान! आंतरराष्ट्रीय फिडे मानांकन बुद्धिबळ स्पर्धेत ‘आयएम’ अमेय अव्वल

Kingdom of Chess International Open FIDE Rated Tournament 2024 Udaipur Rajasthan

पणजी: गोव्याचा इंटरनॅशनल मास्टर (आयएम) बुद्धिबळपटू अमेय अवदी याने उदयपूर-राजस्थान येथे झालेल्या आंतरराष्ट्रीय खुल्या फिडे मानांकन बुद्धिबळ स्पर्धेत लक्षवेधक खेळ केला. नऊ फेऱ्यांच्या या स्पर्धेत त्याने साडेसात गुणांसह संयुक्त अव्वल क्रमांक पटकावला.

स्पर्धेत एकूण आठ खेळाडूंचे समान साडेसात गुण झाले. टायब्रेकर गुणांत अमेयला चौथा क्रमांक मिळाला. आसामचा आयएम मयंक चक्रवर्ती याला पहिला, रेल्वेचा सुभ्यान कुंडू याला दुसरा, तर गुजरातचा नैतिक मेहता याला तिसरा क्रमांक मिळाला.

किंगडम ऑफ चेस यांच्यातर्फे घेण्यात आलेल्या या स्पर्धेत ३३४ बुद्धिबळपटूंनी भाग घेतला. त्यापैकी २७ जण किताबधारक होते. अमेयने स्पर्धेत सात विजय व एका बरोबरीची नोंद केली.