पणजी: अखिल गोवा १५ वर्षांखालील बुद्धिबळ स्पर्धा-निवड चाचणीत खुल्या गटात इंटरनॅशनल मास्टर एथन वाझ याने अपराजीत कामगिरीसह विजेतेपद पटकावले. मुलींमध्ये सईजा देसाई विजेती ठरली.
एथन याने खुल्या गटात सर्वाधिक साडेसहा गुण नोंदविले. जोशुआ तेलिस याला दुसरा, अनिकेत एक्का याला तिसरा, तर शुभ बोरकर याला चौथा क्रमांक प्राप्त झाला. राजवीर पाटील, सरस पोवार, अर्थ शेणवी कारापूरकर यांना अनुक्रमे पाचवा ते सातवा क्रमांक मिळाला.
मुलींमध्ये अव्वल ठरलेल्या सईजा हिने पाच गुणांची कमाई केली. राचेल परेरा हिला दुसरा, वैष्णवी परब हिला तिसरा, तर इसरा रिकार्टी हिला चौथा क्रमांक मिळाला. जेनिस सिक्वेरा, श्रीया पाटील व नव्या नार्वेकर यांनी अनुक्रमे पाचवा ते सातवा क्रमांक मिळविला.
श्लोक मेस्ता, शौर्य प्रभू अग्रासनी, रिशित गावस, प्रयांक गावकर, सयुरी नास्नोडकर, स्कायला रॉड्रिग्ज, कृतिका अगरवाल, आराध्या देसाई यांनी वयोगटात बक्षीस मिळाले.
बक्षीस वितरण भगवती भट, गोवा बुद्धिबळ संघटनेचे सचिव आशेष केणी, उपाध्यक्ष दामोदर जांबावलीकर, डॉ. अनिरुद्ध भट, ज्योत्स्ना सारिपल्ली, रिदिकेश वेर्णेकर यांच्या उपस्थितीत झाले. गोवा बुद्धिबळ संघटनेच्या वतीने सासष्टी तालुका बुद्धिबळ संघटनेने मडगाव सरकारी महाविद्यालयाच्या सहकार्याने स्पर्धा घेतली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.