Jaipur Yoga League: जयपूर योगा स्पर्धेत गोव्याचा डंका! दोन सुवर्ण, पाच रौप्य व सहा ब्राँझपदकांची कमाई

पणजी: राजस्थानमधील जयपूर येथे झालेल्या आठव्या योगासन, आर्टिस्टिक, रिदमिक योग क्रीडा स्पर्धेत गोव्याने चमकदार यश मिळविताना दोन सुवर्ण, पाच रौप्य व सहा ब्राँझपदके जिंकली.

खेळाडूंना योग प्रशिक्षक दामोदर गोवेकर व अश्विनी चुरी यांचे मार्गदर्शन लाभले. गोवा योग संघटनेचे उपाध्यक्ष नवीन आचार्य, सचिव हेमा केणी व इतर सदस्यांनी खेळाडूंचे स्वागत केले.

गोव्याचे पदक विजेते खेळाडू ः आर्टिस्टिक पेअर (८ ते १८ वर्षे मुली) सुवर्णपदक - तुसू मन्ना व कात्यायणी होनावरकर, आर्टिस्टिक सोलो (८ ते १८ वर्षे मुलगे) रौप्यपदक - दिविज बैत, आर्टिस्टिक सोलो (८ ते १८ वर्षे) ब्राँझपदक – ओम गोवेकर, रिदमिक पेअर (८ ते १८ वर्षे मुलगे) रौप्यपदक – ओम गोवेकर व तेजस तांडेल, आर्टिस्टिक पेअर (८ ते १८ वर्षे) रौप्यपदक – दिविज बैत व यशवंत मदार, आर्टिस्टिक फ्री फ्लो (८ ते १८ वर्षे मुलगे व मुली) ब्राँझ – ओम गोवेकर, आराध्या नाईक, तुसू मन्ना, कात्यायणी होनावरकर, प्रियांका गोराई, कीर्ती इटागी.