Viral Post: भारतातच नाही तर थेट बलोचमध्येही 'खन्नाची हवा'; दिग्गज नेते झालेत फॅन, म्हणाले "हा तर हुबेहूब..."

Mir Yar Baloch appreciates Akshaye: ज्येष्ठ अभिनेता अक्षय खन्ना सध्या त्याच्या नुकत्याच प्रदर्शित झालेल्या 'धुरंधर' या चित्रपटामुळे प्रचंड चर्चेत आहे. या चित्रपटातील त्याच्या दमदार अभिनयाने अक्षरशः "इंटरनेटवर आग" लावली असं म्हणायला हरकत नाही. अक्षय खन्नाची ही भूमिका विविध कारणांमुळे प्रेक्षकांच्या मनाला भिडतेय. पण तुम्हाला माहितीये का अक्षयने फक्त भारतीयांनाच नाही तर बलोचमध्ये देखील अभिनयाने वेड लावलंय.

बलोच नेत्याकडून अक्षय खन्नाच्या भूमिकेला 'कॉम्प्लिमेंट'

'धुरंधर' चित्रपटातील अक्षय खन्नाच्या लूकची आणि अभिनयाची सर्वत्र जोरदार चर्चा सुरू असताना, नुकतीच त्याला 'मीर यार बलोच' या एका प्रतिष्ठित बलोच नेत्याकडून मोठी प्रशंसा मिळाली आहे. अक्षय खन्नाने या चित्रपटात पारंपरिक बलोची वेशभूषा परिधान केली, ज्यावर मीर यार बलोच यांनी अक्षय खन्नाचे तोंडभरून कौतुक केले आहे.

अक्षय खन्ना हा हुबेहूब बलोची व्यक्तीसारखा दिसतोय अशा शब्दांत त्यांनी अभिनेत्याला कॉम्प्लिमेंट दिली आहे. प्रेक्षकांच्या मते, अक्षय खन्नाने पारंपरिक बलोची संस्कृतीतील तपशील अत्यंत प्रामाणिकपणे आत्मसात केले आहेत. यामुळे चित्रपटात बलुचिस्तानमधील दडपशाही आणि अन्याय याचे चित्रण अधिक प्रभावी आणि वास्तववादी झाले आहे.

सोशल मीडियावर अक्षय खन्नाचेच राज्य

अक्षय खन्नाच्या अभिनयामुळे सोशल मीडियावर सध्या त्याचेच राज्य आहे. इन्स्टाग्रामवर लोक 'धुरंधर'मधील त्याच्या गाण्यावर मीम्स बनवत आहेत किंवा चित्रपटाचे क्लिप्स रिपोस्ट करत आहेत. एकंदरीत काय तर सगळीकडून अक्षयच्या अभिनयावर कौतुकाचा वर्षाव सुरू आहे. अनेक चाहते अक्षय खन्नाच्या अभिनयाचे कौतुक करतायत.