गोव्यात आगामी काळात विधानसभा निवडणुका होणार आहेत. त्यामुळे राज्यातील राजाकीय वातावरण चांगलंच तापलं आहे. राज्यामध्ये सत्तेमध्ये असणाऱ्या भाजपचा विजयी रथ रोखण्यासाठी विरोधकांनी आक्रमक पवित्रा घेतला आहे. मागील काही दिवसांपासून पणजी मतदार संघ राजकीय चर्चेचा केंद्रबिंदू बनला आहे. या मतदार संघातून भाजप कोणता उमेदवार देणार याकडे अवघ्या राज्याचं लक्ष लागून राहीलं होतं. मात्र पहिली यादी जाहीर केल्यानंतर भाजपने पणजी मतदारसंघातून माजी संरक्षणमंत्री आणि राज्याचे माजी मुख्यमंत्री मनोहर पर्रीकर (Chief Minister Manohar Parrikar) यांचे सुपुत्र उत्पल पर्रीकर (Utpal Parrikar) यांना डावलून आमदार बाबूश मोन्सेरात (Babush Monserrat) यांना भाजपनं तिकीट दिलं. त्यामुळे नाराज झालेल्या उत्पल पर्रीकर यांनी अपक्ष म्हणून पणजीतून निवडणूक लढविण्याचा निर्णय घेतला. (Utpal Parrikar family became emotional while filing nomination papers from Panaji constituency)
दरम्यान, माजी संरक्षणमंत्री तथा माजी मुख्यमंत्री स्वर्गीय मनोहर पर्रीकर यांचे सुपुत्र उत्पल पर्रीकर यांना पणजी मतदार संघातून भाजपाने उमेदवारी नाकारली. त्यानंतर नाराज झालेल्या उत्पल पर्रीकरांनी अपक्ष म्हणून अर्ज भरण्याअगोदर महालक्ष्मी मंदिरात जाऊन आपल्या परिवार आणि कार्यकर्त्यांसह देवीचे दर्शन घेतले. दर्शन घेऊन आल्यानंतर मनोहर पर्रीकर यांची बहिण लता शंखवाळकर आणि थोरले बंधू अवधुत पर्रीकर यांनी पत्रकारांशी बोलताना भावूक झाले.
शिवाय, मागील काही दिवसांपूर्वी शिवसेना खासदार संजय राऊत यांनी म्हटलं होतं की, ‘उत्पल पर्रीकर यांनी पणजी मतदार संघातून म्हणून निवडणुक लढविण्याचा निर्णय घेतल्यास आम्ही त्यांनी पाठिंबा देऊ.’
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
