पणजी: गोवा विधानसभा निवडणूक मतदान प्रक्रिया सोमवारी पार पडणार आहे. राज्यात शनिवारी संध्याकाळी 6 पासून 14 फेब्रुवारी संध्याकाळी 6 वाजेपर्यंत कलम 144 लागू करण्यात आले आहे. दरम्यान, प्रचार करण्यास देखील निवडणूक आयोगाकडून बंदी घालण्यात आली आहे. परिणामी या काळात सोशल मीडियावरून (Social Media) प्रचार होण्याची शक्यता आहे. (Goa Election News)
उमेदवार सोशल मीडिया साईटचा प्रचारासाठी (Campaign) वापर करू शकतात. या माध्यमातून कोणत्याही प्रकारे आचारसंहितेचे उल्लंघन होऊ नये म्हणून मुख्य निवडणूक अधिकाऱ्यांनी राज्यात 'विशेष सोशल मीडिया नियंत्रण कक्ष स्थापन केला आहे. या काळात सोशल मीडियावर कोणीही आचारसंहितेचे उल्लंघन केल्याचे आढळल्यास त्यावर कठोर कारवाई केली जाईल, असा ईशार देण्यात आला आहे.
गोव्यातील (Goa) सर्व परवानाधारक मद्यविक्री दुकाने 12 फेब्रुवारी संध्याकाळी 6 पासून ते 14 फेब्रुवारी पर्यंत बंद राहतील. त्याचबरोबर मतमोजणी 10 मार्च रोजी करण्यात येणार असून या दिवशी देखील गोवा राज्यातील सर्व मद्यविक्री दुकानांना कुलूप असेल, अशी माहिती समोर येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
