गोवा: विधानसभा निवडणूक अवघ्या काही तासांवर येऊन ठेपली आहे. दरम्यान, कोविड संबंधी खबरदारी म्हणून उपजिल्हाधिकारी कार्यालयाकडून नोटीस जारी करण्यात आली आहे. (RTPCR is mandatory for polling delegates if two doses of vaccination not completed in goa)
ज्या पोलिंग एजंटनी लसीकरण केलेले नाही, किंवा ज्यांचे केवळ एकच लसीकरण झालेले आहे. त्यांना अधिकृत प्रयोगशाळेतून आरटी-पीसीआर/आरएटी टेस्ट करणे बंधनकारक आहे. तसेच निवडणूक कर्मचाऱ्यांना देखील हे नियम बंधनकारक असणार आहेत. निवडणूका जसजश्या जवळ येत आहेत तसे, राज्यातील निर्बंध आणखी कडक होत आहेत.
14 फेब्रुवारी पर्यंत कलम 144 लागू
आगामी गोवा विधानसभा निवडणुकीच्या (Goa Assembly Election) पार्श्वभूमीवर राज्यात शनिवारी सायंकाळी 6 पासून 14 फेब्रुवारीच्या सायंकाळी 6 वाजेपर्यंत कलम 144 लागू करण्यात आले आहे, अशी माहिती जिल्हाधिकारी कार्यालयाने दिली आहे.
गोव्यातील (Goa) सर्व परवानाधारक मद्यविक्री दुकाने बंद
गोव्यातील (Goa) सर्व परवानाधारक मद्यविक्री दुकाने 12 फेब्रुवारी संध्याकाळी 6 पासून ते 14 फेब्रुवारी पर्यंत बंद राहतील. त्याचबरोबर मतमोजणी 10 मार्च रोजी करण्यात येणार असून या दिवशी देखील गोवा राज्यातील सर्व मद्यविक्री दुकानांना कुलूप असेल, अशी माहिती समोर येत आहे.
राज्यात एक्झिट पोल जाहीर करण्यावर बंदी
पुढील काही दिवसात गोव्यासह पाच राज्यात विधानसभा निवडणुकीचे मतदान होणार आहे. या पार्श्वभूमीवर केंद्रीय निवडणूक आयोगाने (Election Commission) पाचही राज्यात एक्झिट पोल जाहीर करण्यावर बंदी घातली आहे. ही बंदी 10 फेब्रुवारी रोजी सकाळी 7 ते 7 मार्चच्या सायंकाळी 6:30 पर्यंत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
