मुंख्यमंत्री प्रमोद सावंत वाराणसीमध्ये, पंतप्रधानांसोबत महत्वाची बैठक

मुख्यमंत्री प्रमोद सावंत (Pramod Sawant) भाजप मुख्यमंत्र्यांच्या (BJP CM) बैठकीसाठी सोमवारी वाराणसीच्या (Varanasi)भेटीवर रवाना झाले आहेत . वाराणसीत सोमवार व मंगळवार असे दोन दिवस बारा राज्यांच्या मुख्यमंत्र्यांची बैठक होणार आहे.पंतप्रधान नरेंद्र मोदी (Narendra Modi)यांच्या अध्यक्षतेखाली ही बैठक होणार आहे. महत्त्वाचे म्हणजे यावेळी प्रथमच मुख्यमंत्र्यांना त्यांच्या कुटुंबियांसह बोलविण्यात आले आहे. पंतप्रधानांच्या भेटीत मुख्यमंत्र्यांना गोव्याचा निवडणूकविषयक अहवाल जरूर द्यावा लागेल. आम्ही गोव्यात (Goa Assembly Election) नक्की जिंकून येऊ, असे ते निश्चितच आत्मविश्वासाने नरेंद्र मोदी यांना सांगतील. असे बोलले जात आहे. (Goa Chief Minister Pramod Sawant in Varanasi will attend meeting with Prime minister Narendra Modi)

राजकीयदृष्ट्या देशातील हे सर्वात छोटे राज्य सध्या सर्वच राजकीय पक्षांचे डोळे लागले आहेत कारण यूपी आणि पंजाबप्रमाणेच पुढील वर्षाच्या सुरुवातीला विधानसभेच्या निवडणुका होणार आहेत. गोवा विधानसभेत केवळ 40 जागा आहेत मात्र भाजपच्या दृष्टीने हे खूप महत्वाचे राज्य मानले जाते. तर दुसरीकडे गेल्या निवडणुकीत बहुमत मिळाले नसतानाही भाजपला येथे आपले सरकार स्थापन करण्यात यश आले. गोव्याला नवसंजीवनी देण्याचे आणि भारतीय संस्कृती जिवंत ठेवण्याचे आणि ते आणखी मजबूत करण्याचे श्रेय आजही लोक भाजपचे पहिले मुख्यमंत्री दिवंगत मनोहर पर्रीकर यांना देतात.

दरम्यान या निवडणुकीत आता भाजपच्या अडचणी काही प्रमाणात वाढताना दिसत आहेत. यावेळी भाजप आणि काँग्रेस किंवा तिथल्या प्रादेशिक पक्षांमध्ये तिरंगी लढत होत असून ती होताना दिसत आहे.त्याचं कारण म्हणजे पश्चिम बंगालच्या मुख्यमंत्री ममता बॅनर्जी यांच्या टीएमसी आणि दिल्लीचे मुख्यमंत्री अरविंद केजरीवाल यांचा आम आदमी पक्षही तिथे आहे. त्यांनी निवडणुकीच्या रिंगणात उडी घेतली आहे. हे दोघेही भाजप आणि काँग्रेसच्या व्होटबँकेला तडा देण्यासाठी कोणतीही कसर सोडत नाहीत हे उघड आहे, पण भाजपने सत्तेत राहिल्यामुळे भाजपला अधिक फटका बसू शकतो, असे विश्लेषकांचे मत आहे. आणि या साऱ्या मुद्यांवर देखील या बैठीकीत चर्चा होणार असल्याचे सांगितले जात आहे.