पणजी: भारतीय जनता पक्षाचे (भाजप) गोव्याचे प्रभारी सरचिटणीस सी टी रवी यांनी उत्पल पर्रीकर यांना विधानसभा निवडणूक लढवण्याच्या आणि भगव्या पक्षात पुन्हा प्रवेश करण्याच्या निर्णयावर पुनर्विचार करण्याची विनंती केली आहे. (Goa BJP urges Utpal Parrikar to reconsider his decision)
मात्र उत्पल पर्रीकरांनी Utpal Parrikar अद्याप कोणतीही भूमिका स्पष्ट केलेली नाही. राज्याचे निवडणूक प्रभारी देवेंद्र फडणवीसपासून ते जे.पी नड्डा J.P. Nadda यांच्या पर्यन्त सर्वानी पर्रीकरांची समजूत काढण्याचा प्रयत्न केला होता. मात्र पर्रीकर अद्याप आपल्या भूमिकेवर ठाम आहेत. आज संध्याकाळपर्यंत भाजप उमेदवारांची दुसरी यादी जाहीर होणार आहे. दरम्यान पर्रीकरांचे मतपरिवर्तन करण्यात भाजपचे नेते यशस्वी होतील का याकडे सर्वांचे लक्ष लागून राहणार आहे.
एका ट्विटमध्ये रवी म्हणाले, “मनोहर पर्रीकर Manohar Parrikar जी यांनी नेहमीच भाजपच्या विजयासाठी काम केले आहे. मी त्यांचा मुलगा उत्पल पर्रीकर यांना विनंती करतो की त्यांनी आपल्या निर्णयाचा पुनर्विचार करावा आणि वडिलांचे स्वप्न पूर्ण करावे. केवळ भाजपच लोकांना स्थिर सरकार देऊ शकतो.
रवी यांनी असेही जाहीर केले की केंद्रीय गृहमंत्री अमित शहा रविवारी, 30 जानेवारी रोजी गोव्याला भेट देतील आणि 14 फेब्रुवारी रोजी होणार्‍या गोवा विधानसभा निवडणुका Goa Assembly Election लढवणार्‍या भाजप उमेदवारांच्या प्रचारासाठी येतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
