अमेरिकेत पॉपकॉर्न तर जर्मनीत बिअरसाठी लोक त्रस्त

Why Shortage Of Popcorn: गेल्या काही वर्षांत महागाई गगनाला भिडली आहे. जगभरात पेट्रोल आणि डिझेलच्या किमती वाढल्याने भारतातही महागाईचा भडका उडाला आहे. परंतु तुम्हाला हे जाणून आश्चर्य वाटेल की, अशा काही गोष्टी आहेत ज्या वेगवेगळ्या देशांमध्ये महाग होत आहेत. जसे की, अमेरिकेत पॉपकॉर्न (Why shortage of popcorn) ते स्पायसी सॉसचा तुटवडा जाणवू लागला आहे. त्याच वेळी, जर्मन बाजारपेठेत बिअरचा तुटवडा जाणवू लागला आहे. एवढंच नाही तर जपानमधील कांद्याचे भाव लोकांना रडवणारे आहेत. जाणून घेऊया या मागचे कारण...

पुरवठा साखळीवर प्रचंड ताण

वास्तविक, जगभरातील पुरवठा साखळी प्रचंड ताण आहे. ब्लूमबर्गच्या अहवालानुसार, जगातील पुरवठा साखळीवर खूप ताण आहे, जर एखाद्या उत्पादनाचा कच्चा माल उपलब्ध नसेल, तर पॅकिंगमध्ये अडचण येते. अनेक कंपन्यांनी हे मान्य केले आहे की, पुरवठा साखळीतील समस्या ही जगभरातील कमतरतांचे कारण आहे.

जर्मनीमध्ये बिअरच्या किमती वाढल्या आहेत

अलीकडच्या काही महिन्यांत जर्मनीमध्ये (Germany) बिअरचे दर लक्षणीय वाढले आहेत. दर वाढल्याने बाजारात बिअर तुटवडा जाणवत आहे. यासोबतच ऑस्ट्रेलियातील (Australia) लेट्यूस, जपानमध्ये कांद्यांचीही स्थिती तशीच आहे. त्यामागचे कारण म्हणजे जागतिक पुरवठा साखळीतील अडथळे.

बिअर नाही

बिअरच्या तुटवड्याचे खरे कारण बिअरची कमतरता नसून अॅल्युमिनियमचे कॅन बनवणाऱ्या कंपन्यांनी उत्पादन थांबवले आहे. यासोबतच शिपिंग कंटेनर्सही कमी आहेत. या सगळ्यामागे तज्ज्ञ कोरोना महामारीमुळे (Corona Epidemic) लावण्यात आलेल्या लॉकडाऊनचा परिणाम सांगत आहेत.