अफगाणिस्तानातील नेत्यांच्या पाठिशी अमेरिका- बायडेन

अफगाणिस्तानमधील (Afghanistan) नागरिक स्वत:चे भवितव्य स्वत:च ठरवतील , परंतु या प्रक्रियेमध्ये अफगाणिस्तानमधील नेत्यांशी अमेरिका (America) पूर्णपणे पाठिशी असणार आहे, असे आश्वासन अमेरिकेचे राष्ट्राध्यक्ष जो बायडन (Joe Biden) यांनी अफगाणिस्तानतील त्यांचे समपदस्थ अशरफ घनी (Ashraf Ghani) यांना दिले आहे. सप्टेंबरपर्यंत युध्दग्रस्त अफगाणिस्तामधून अमेरिकी सैन्य माघारी जाईल असे असले तरी आमचा देश अफागाणिस्तानच्या सदैव पाठिशी राहील असेही ते म्हणाले आहेत.

अमेरिकेचे राष्ट्राध्यक्ष जो बायडन आणि अफगाणिस्तानचे अध्यक्ष अशरफ घनी यांची शुक्रवारी व्हाईट हाऊसमध्ये (White House) बैठक झाली. त्यानंतर बायडन यांनी सांगितले की. दक्षिण आशियामधील (South Asia) एक प्रमुख देश असलेल्या अफगाणिस्तान देशाची अमेरिकेची भागिदारी कायम राहणार आहे. तसेच दोन्ही देशातील व्यापार, द्विपक्षीय संबंध वाढतच जाईल असे बायडन यांनी व्हाईट हाऊसमधील ओव्हाल कार्यालयामध्ये अफगाणिस्तानचे अध्यक्ष घनी आणि अफगाणिस्तानचे मुख्य कार्यकारी अधिकारी अब्दुल्ला यांच्यासोबत घेतलेल्या पत्रकार परिषदेत सांगितले आहे. (US backs Afghan leaders - Biden)