अमेरिका (America) चीन (China) यांच्यात मागील दीड ते दोन वर्षापासून व्यापारी युध्द अधिक तीव्र झाले आहे. यातच आता अमेरिकेच्या जो बायडन (Joe Biden) प्रशासनाने सोमवारी जाहीर केले की, बीजिंगमध्ये 2022 हिवाळी ऑलिंपिकमध्ये (2022 Winter Olympics) अमेरिकन अधिकारी सहभागी होणार नाहीत. वास्तविक, अमेरिकेने हे पाऊल उचलले आहे कारण चीनने अशा कोणत्याही राजनैतिक बहिष्काराला (Diplomatic boycott) प्रत्युत्तर देण्याचे वचन दिले आहे. चीनमधील मानवी हक्कांच्या उल्लंघनामुळे अमेरिकेशिवाय अनेक देश हिवाळी ऑलिम्पिकवर बहिष्कार (Winter Olympics Boycott) टाकण्यासंबंधी बोलले आहेत.
चीनच्या परराष्ट्र मंत्रालयाचे प्रवक्ते झाओ लिजियान (Zhao Lijian) म्हणाले की, जे बहिष्काराबद्दल बोलत आहेत, ते ढोंग करत आहेत आणि त्यांनी तसे करणे थांबवावे, जेणेकरुन चीन आणि अमेरिका (US-China) यांच्यातील महत्त्वाच्या क्षेत्रात संवाद आणि सहकार्य प्रभावित होऊ नये. दरम्यान पत्रकार परिषदेत ते म्हणाले की, जर अमेरिका जाणूनबुजून आपल्या मार्गावर ठाम राहण्याचा आग्रह धरत असेल, तर चीन कठोर प्रत्युत्तराची पावले उचलेल. अमेरिकेचे राष्ट्राध्यक्ष जो बायडन यांनी गेल्या महिन्यात सांगितले होते की, चीनच्या मानवी हक्कांच्या रेकॉर्डचा निषेध करण्यासाठी आपण अशा राजनैतिक बहिष्काराचा विचार करत आहोत.
खेळाच्या राजकारणाला विरोध करा : चीन
यूएस बहिष्कार (US Boycott) आपल्या ऍथलीट्सना गेम्समध्ये भाग घेण्यापासून रोखणार नाही. 2028 च्या ऑलिम्पिकचे लॉस एंजेलिसमध्ये (Los Angeles Olympics) अमेरिका आयोजन करणार आहे. अशा स्थितीत चीन त्यावर काय प्रतिक्रिया देतो, असा प्रश्न उपस्थित होत आहे. बीजिंग म्हणते की, आम्ही खेळांच्या राजकीयकरणाला विरोध करतो. परंतु भूतकाळात नॅशनल बास्केटबॉल असोसिएशन (NBA) सह अमेरिकन स्पोर्ट्स लीगला शिक्षा केली आहे. चीनने एनबीएला त्यांच्या राजकीय हेतूंचे पालन न केल्यामुळे शिक्षा केली आहे.
वॉल स्ट्रीट जर्नल चेतावणी
हाँगकाँग सरकारने वॉल स्ट्रीट जर्नलच्या संपादकीयमध्ये कायदा मोडल्याचा इशारा दिला आहे. हाँगकाँगच्या रहिवाशांसाठी त्यांचा असंतोष व्यक्त करण्यासाठी रिक्त मतपत्रिका टाकणे हा शेवटचा मार्ग असू शकतो असेही त्यात म्हटले आहे. अमेरिकन प्रसारमाध्यमांनी सोमवारी चेतावणीपर पत्रक प्रसिद्ध केले. चीनच्या सत्ताधारी कम्युनिस्ट पक्षाने व्यापारी केंद्र म्हणून ओळखल्या जाणाऱ्या हाँगकाँगला हुकूमशाही भूमीशी जोडण्याचा प्रयत्न केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
