'युक्रेनमधून एका आठवड्यात दहा लाखांहून अधिक लोकांनी केले पलायन'

रशिया युक्रेनवर सातत्याने हल्ले करत आहे. राजधानी कीव आणि खार्किवशिवाय रशियन क्षेपणास्त्रे युक्रेनमधील अनेक शहरांना लक्ष्य करत आहेत. या हल्ल्यांमध्ये युक्रेनमधील (Ukraine) अनेक नागरिकांना आपला जीव गमवावा लागला आहे. रशियन हल्ल्यांमुळे लाखो युक्रेनियन लोकांनी आपल्या देशातून पलायन केल्याचा दावा संयुक्त राष्ट्र निर्वासित संस्थेकडून (UNHCR) करण्यात आला आहे. The UNHCR claims that more than a million people have fled Ukraine in a single week

दरम्यान, यूएनने गुरुवारी सांगितले की, गेल्या आठवड्यात दहा लाखांहून अधिक निर्वासितांनी देश सोडून पलायन केले आहे. यूएनएचसीआरचे उच्चायुक्त फिलिपो ग्रँडी (Filippo Grandi) यांनी ट्विट करत म्हटले की, 'अवघ्या सात दिवसांत दहा लाखांहून अधिक लोकांनी युक्रेनमधून शेजारच्या देशांमध्ये पलायन केले आहे. युक्रेनमध्ये (Ukraine) लाखो लोकांना मानवतावादी मदत देण्यात येत आहे.'

रोमानियामध्ये 139,000 लोकांनी आश्रय घेतला

युक्रेनच्या 1 लाख 39 हजार लोकांनी रोमानियामध्ये आश्रय घेतला आहे. यासंबंधीची आकडेवारी रोमानियाकडून (Romania) देण्यात आली आहे. रशियन हल्ल्यानंतर 1 लाख 39 हजार अधिक लोक पलायन करुन रोमानियामध्ये आले आहेत. निर्वासितांनी युक्रेनच्या चार सीमा चेक पॉईंट्सद्वारे रोमानियामध्ये प्रवेश केला आहे.

तसेच, रशिया (Russia) आणि युक्रेन यांच्यातील चर्चेची दुसरी फेरी आज बेलारुसच्या सीमेवर होणार आहे. युक्रेनचे एक शिष्टमंडळ चर्चेसाठी रवाना झाले आहे, परंतु रशियाचे परराष्ट्र मंत्री दिमित्रो कुलेबा यांनी अल्टिमेटम स्वीकारला जाणार नसल्याचे स्पष्टपणे सांगितले आहे. 24 मार्च रोजी रशियाने युक्रेनवर हल्ला केला होता.