तालिबान्यांनी आंतरराष्ट्रीय मान्यता मिळवण्याचा आणखी एक प्रयत्न केला आहे. अफगाणिस्तान (Afghanistan) सरकारने कतारमध्ये शांतता चर्चेदरम्यान तालिबानचे (Taliban) प्रवक्ते असलेल्या सुहेल शाहीन (Suhail Saheen) यांची संयुक्त राष्ट्रात राजदूत म्हणून नामित केले आहे. एवढेच नाही तर त्यांनी संयुक्त राष्ट्राच्या महासभेत (UNGA) बोलण्याची परवानगीही मागितली आहे. तालिबानचा हा निर्णय त्यांच्या वक्तव्यानंतर आला आहे ज्यात त्यांनी म्हटले आहे की, आम्हाला संयुक्त राष्ट्रांमध्ये (United Nations) जागतिक नेत्यांना संबोधित करायचे आहे. दरम्यान, कतारचे अमीर शेख तमीम बिन हमाद अल थानी (Amir Sheikh Tamim bin Hamad Al Thani) यांनी जागतिक नेत्यांना तालिबानवर बहिष्कार घालू नये असे आवाहन केले आहे.
अल थानी यांनी आपल्या वक्तव्यावर जोर देत म्हटले की, "तालिबानशी वाटाघाटी सुरु ठेवणे आवश्यक आहे कारण बहिष्कार केवळ ध्रुवीकरणाकडे घेऊन जाईल. चर्चेमुळे सकारात्मक परिणाम मिळू शकतात." ते आमच्याशी वाटाघाटी करण्यास घाबरत असून अफगाणिस्तानातील तालिबान सरकारला मान्यता देण्यास टाळाटाळ करत आहेत.
तालिबानचे परराष्ट्र मंत्री अँटोनियो गुटेरेसांना लिहलं पत्र
रॉयटर्स या वृत्तसंस्थेने दिलेल्या माहितीनुसार, तालिबानचे परराष्ट्र मंत्री अमीर खान मुत्ताकी यांनीही सोमवारी संयुक्त राष्ट्रांचे सरचिटणीस अँटोनियो गुटेरेस यांना एक पत्र लिहिले आहे. सोमवारी संपणाऱ्या महासभेच्या वार्षिक उच्चस्तरीय बैठकीत मुत्ताकीने बोलण्याचा प्रयत्न केला. गुटेरेसचे प्रवक्ते फरहान हक यांनी मुत्ताकीचे पत्र मिळाल्याची पुष्टी केली.
गुलाम एम. इसाकझाई (Ghulam M. Isakzai) यांना अफगाणिस्तानने या वर्षी जुलैमध्ये संयुक्त राष्ट्रात अफगाणिस्तानचा स्थायी प्रतिनिधी म्हणून मान्यता दिली. मात्र, अशरफच्या गनीचे सरकार उलथून टाकल्यानंतर तालिबान्यांनी अफगाणिस्तानवर कब्जा केला. तालिबानच्या परराष्ट्रमंत्र्यांनीही आपल्या पत्रात लिहिले आहे की इसकझाईचे काम आता संपले आहे. जर तो यापुढे अफगाणिस्तानचे नेतृत्व करत नसेल तर त्याच्या जागी तालिबानचा प्रतिनिधी असावा.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
