कोरोनाव्हायरसची तीव्रता 'या' वर्षापर्यंत कमी होणार

कोरोनाव्हायरसचे सर्वत्र हाहाकार माजवला आहे. चीनमधून या रोगाची सुरुवात झाली व पुढे संपूर्ण जगाला या व्हायरसमुळे त्रास सहन करावा लागला. या व्हायरसचा संसर्ग थांबवण्यासाठी अनेक देशांनी लॉकडाऊनचा पर्याय निवडला. लाखों लोकांनी यामुळे जीव गमावला. डेल्टा प्रकारानंतर सध्या ओमिक्रॉन प्रकार सर्वांसाठी डोकेदुखी बनला आहे. हा नवीन स्ट्रेन अत्यंत
संसर्गजन्य असल्याचे तज्ञांचे मत आहे.

पण ओमिक्रॉन (Omicron variant) नंतर कोविड -19 संपेल का? पुढे कोरोनाव्हायरसचे काय होईल? आघाडीच्या आरोग्य तज्ञांच्या यावर भाष्य केले आहे. रविवारी, युनायटेड स्टेट्समधील अन्न आणि औषध प्रशासनाचे माजी आयुक्त डॉ स्कॉट गॉटलीब यांनी सीबीएस न्यूजच्या 'फेस द नेशन' वर बोलताना सांगितले की “ओमिक्रॉन ही एक "तात्पुरती घटना" असेल. जग लवकरच पूर्वपदावर येईल."

मात्र, ओमिक्रॉन अमेरिकेत झपाट्याने पसरत असल्याचे देखील त्यांनी सांगितले. ते म्हणाले, "अमेरिकेत (America) ओमिक्रॉन हा डेल्टापेक्षा (Delta) जास्त संसर्गजन्य बनला आहे." शुक्रवारी, फायझरच्या अधिकाऱ्यांनी सीएनबीसीला सांगितले की, "येत्या काही वर्षात कोरोनाव्हायरसची तीव्रता कमी होईल. आमचा विश्वास आहे की कोविड 2024 पर्यंत संभाव्यतः साथीच्या रोगाच्या स्थितीत बदलेल.” ओमिक्रॉन प्रकार प्रथम 24 नोव्हेंबर रोजी दक्षिण आफ्रिकेत आढळून आला. तेव्हापासून अनेक देशात ओमिक्रॉनचे रुग्ण आढळले आहेत.