'भाईजान', नवाझ शरीफ यांना पाहून पाकिस्तानचे पंतप्रधान झाले भावूक

प्रदीर्घ राजकीय संकटानंतर पाकिस्तानचे पंतप्रधान शाहबाज शरीफ वडील बंधू आणि माजी पंतप्रधान नवाझ शरीफ यांची भेट घेण्यासाठी आज लंडनला पोहोचले. नवाझ शरीफ यांची भेट घेतल्यानंतर पंतप्रधान भावूक झाले. हा क्षण पाहून नवाझ शरीफ यांनी मोठ्या भावाचे कर्तव्य पार पाडत त्यांच्या पाठीवर थाप मारुन प्रोत्साहन दिले. यानंतर भावूक झालेले शाहबाज शरीफ मागे जाऊन उभे राहिले. (The Prime Minister of Pakistan Shehbaz Sharif called on Nawaz Sharif)

दरम्यान, पंतप्रधान शाहबाज शरीफ यांच्या लंडन भेटीची माहिती देताना माहिती आणि तंत्रज्ञान मंत्री मरियम औरंगजेब म्हणाल्या की, 'पंतप्रधान शाहबाज शरीफ (Shehbaz Sharif) पाकिस्तान (Pakistan) मुस्लिम लीग-नवाज (PML-N) च्या नेत्यांच्या गटाचा भाग असतील. पक्षाचे प्रमुख नवाझ शरीफ यांची भेट घेतील. त्या पुढे म्हणाल्या, पीएमएल-एनचे अध्यक्ष नवाझ शरीफ (Nawaz Sharif) यांची भेट घेण्यासाठी पंतप्रधान खासगी दौऱ्यावर आहेत.'

शिवाय, पीएमएल-एनचे अध्यक्ष नवाझ शरीफ यांच्याशी सल्लामसलत करण्याच्या उद्देशाने ही वैयक्तिक भेट असल्याचे मरियम यांनी म्हटले.