टेक्सास गोळीबार प्रकरणी अमेरिकेचे राष्ट्राध्यक्ष बायडन यांनी दिले कठोर कारवाईचे आश्वासन

अमेरिकेतील टेक्सास येथील रॉब एलिमेंटरी स्कूलमध्ये गोळीबार झाला.दरम्यान या घटनेत मृत्युमुखी पडलेल्या 19 विद्यार्थी आणि दोन शिक्षकांना श्रद्धांजली वाहण्यासाठी रविवारी मेळाव्याचे आयोजन करण्यात आले होते. या बैठकीला अमेरिकेचे राष्ट्राध्यक्ष जो बायडन आणि त्यांची पत्नी जिल बायडन उपस्थित होते. श्रद्धांजली सभेत दोघांनीही या हिंसक घटनेशी संबंधित पीडितांच्या कुटुंबियांबद्दल संवेदना व्यक्त केल्या. जेव्हा राष्ट्राध्यक्ष जो बायडन चर्चमध्ये आयोजित प्रार्थना सभेत सहभागी झाल्यानंतर पीडितेच्या कुटुंबाला भेटायला गेले, तेव्हा "काहीतरी करा" च्या घोषणा देण्यात आल्या. त्यावर प्रतिक्रिया देताना बायडन म्हणाले की, आम्ही कठोर कारवाई करू.

विशेष म्हणजे, टेक्सास गोळीबारात ज्यांनी आपल्या प्रियजनांना गमावले त्यांच्याबद्दल सहानुभूती व्यक्त करण्यासाठी बायडन दुसऱ्यांदा उवाल्डे येथे पोहोचले होते.याशिवाय 17 मे रोजी ते न्यूयॉर्कच्या बफेलो येथे गेले आणि तेथेही पीडितांच्या कुटुंबीयांची भेट घेतली. त्यादरम्यान, सुपरमार्केटमध्ये झालेल्या वांशिक हिंसाचारात 10 कृष्णवर्णीयांच्या हत्येचा त्यांनी तीव्र निषेध केला.(texas school firing american president joe biden assured that he will take strict action)

गोळीबाराच्या घटनेबाबत बायडन यांनी आपल्या भाषणात काही महत्त्वाच्या गोष्टी सांगितल्या.रॉब एलिमेंटरी स्कूलच्या बाहेर लावलेल्या 21 व्हाईट क्रॉस येथे उवाल्दे येथे झालेल्या गोळीबाराच्या घटनेत मृत्युमुखी पडलेल्या 21 लोकांना अमेरिकन राष्ट्राध्यक्षांनी श्रद्धांजली वाहिली. शनिवारी डेलावेर विद्यापीठातील भाषणात बायडन म्हणाले की, टेक्सासमधील प्राथमिक शाळेच्या वर्गात आणि न्यूयॉर्कमधील सुपरमार्केटमध्ये निरपराध लोकांना आपला जीव गमवावा लागला आहे. पुढे, ते असेही म्हणाले होते, “आपल्याला खंबीरपणे उभे राहावे लागेल. धैर्य दाखवावे लागेल. अशा शोकांतिकेतून सावरणे आपल्यासाठी सोपे नाही, परंतु एकत्रितपणे आपण अमेरिकेला अधिक सुरक्षित करू शकतो.”

काय आहे टेक्सास गोळीबाराची घटना?

काही दिवसांपूर्वी टेक्सासमधील उवाल्डे शहरातील रॉब एलिमेंटरी स्कूलमध्ये गोळीबाराची भीषण घटना घडली होती. टेक्सासचे गव्हर्नर ग्रेग अॅबॉट यांनी हल्ल्याशी संबंधित माहिती शेअर केली. खरं तर, साल्वाडोर रामोस नावाच्या 18 वर्षीय शूटरने गोळीबार केला आणि 19 विद्यार्थी आणि दोन शिक्षकांना ठार केले. यानंतर पोलिसांनी प्रत्युत्तरादाखल केलेल्या गोळीबारात हल्लेखोरही ठार झाला.