तालिबानने (Taliban) अफगाणिस्तानवर (Afghanistan) ताबा मिळवल्यानंतर, जिथे हा दहशतवादी गट देशात नवीन सरकार स्थापन करण्याचा प्रयत्न करत आहे, तिथे अनेक दहशतवादी संघटना तालिबानच्या आगमनाबद्दल उत्साहित असल्याचे सांगितले जात आहे. जैश-ए-मोहम्मदच्या (Jaish-e-Mohammed) नेत्यांनी तालिबानच्या नेत्यांना भेटून काश्मीर (Kashmir) प्रश्नावर त्यांची मदत मागितली आहे.
दहशतवादी नेता मसूद अझहरने (Masood Azhar) तालिबानचा "विजय" आणि "अमेरिका समर्थित अफगाण सरकार" संपल्याबद्दल आनंद व्यक्त केला. 16 ऑगस्ट रोजी, त्याच्या "मंझिल की तरार" या लेखात, जैश-ए-मोहम्मदच्या संस्थापकाने अफगाणिस्तानातील "मुजाहिदीन" च्या यशाबद्दल देवाचे आभार मानले.
तालिबानच्या आगमनाने पाक खूश
बहावलपूरमध्ये असलेल्या "मरकज" मध्ये, जैश-ए-मोहम्मदच्या लोकांमध्ये एक संदेश देखील प्रसारित केला जात आहे की तालिबानचा विजय आणि त्यांचा विजय सुनिश्चित केल्याबद्दल देवाचे आभार मानावेत.
दरम्यान, अफगाणिस्तानमध्ये तालिबानच्या आगमनाने पाकिस्तान खूप खूश आहे. अफगाणिस्तानात तालिबान वाढवण्यासाठी पाकिस्तानचे सहकार्य सर्वश्रुत आहे. पाकिस्तानच्या नेत्या नीलम इर्शाद शेख यांनी तालिबान पाकिस्तानसोबत असल्याचे म्हटले आहे. तालिबान येऊन काश्मीर जिंकून पाकिस्तानच्या ताब्यात देईल.
पाकिस्तानच्या 'बोल' टीव्हीवरील चर्चेत नीलम इर्शादने हे वादग्रस्त विधान केले. तालिबानचे पाकिस्तानी गुप्तचर संस्था आयएसआयशी दीर्घ काळापासून घनिष्ठ संबंध असल्याचे मानले जाते.
नीलम इर्शाद चर्चेदरम्यान म्हणाल्या, 'इम्रान सरकार स्थापन झाल्यानंतर पाकिस्तानचा अभिमान वाढला आहे. तालिबान म्हणणं आहे की, आम्ही तुमच्यासोबत आहोत आणि इंशा अल्लाह आम्ही तुम्हाला काश्मीर जिंकून देणार.
पाकिस्तानची नीलम काश्मीर प्रश्नावर तालिबानसोबत असल्याचा दावा करत असताना, आपली प्रतिमा सुधारण्यात गुंतलेल्या दहशतवादी गटाने आधीच सांगितले आहे की, त्यांचा या प्रकरणाशी काहीही संबंध नाही. तालिबानने यापूर्वीच काश्मीर समस्येचे वर्णन भारत आणि पाकिस्तान यांच्यातील द्विपक्षीय आणि अंतर्गत विषय म्हणून केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
