तालिबान्यांची गुन्हेगारांना क्रूर शिक्षा,चौघांना गोळ्या घालत भर चौकात लटकवले

अफगाणिस्तानात (Afghanistan) पुन्हा एकदा तालिबानी (Taliban) शिक्षा परत आल्याचे समोर येत आहे.याचेच उदाहरण काल अफगाणिस्तानच्या हेरात (Herat) प्रांतात आले आहे लोकांमध्ये भीती निर्माण करण्यासाठी, तालिबान पोलिसांनी अपहरणाच्या चार आरोपींना गोळ्या घालून ठार केले आणि मृतदेह शहरातील विविध चौकात लटकून ठेवले होते. (Taliban hangs 4 dead bodies in Herat city)

पश्चिम अफगाणिस्तानच्या हेरात प्रांतातील विविध चौकांवर, तालिबान पोलिसांनी चार लोकांना गोळ्या घालून ठार केले, आणि नंतर हे चार मृतदेह क्रेनने रस्त्याच्या मध्यभागी तासन्तास लटकवून ठेवले.या चौघांवर अपहरणाचा आरोप होता.हेरात शहराचे प्रत्यक्षदर्शी वजीर अहमद सिद्दीकी यांनी सांगितले की, चार कथित तालिबानी पोलिसांनी हे चार मृतदेह चौकात आणले आणि त्यातील एका मृतदेहाला क्रेनच्या मदतीने लटकवण्यात आले. हा मृतदेह तासन्तास हवेत लटकलेला राहिला. मृताच्या गळ्यात एक फलकही लटकलेले होते ज्यावर पश्तो भाषेत त्यावर काहीतरी लिहिले होते. उर्वरित तीन मृतदेह तालिबानने हेरातमधील दुसऱ्या चौरस्त्यावर नेऊन लटकावले होते.

हेरातचे डेप्युटी गव्हर्नर मोल्वी शेर अहमद एमार यांनी सांगितले की, तालिबानी लढाऊ अपहरणकर्त्यांचा पाठलाग करत होते आणि त्यादरम्यानच यांच्यामध्ये चकमक झाली आणि सर्व आरोपी ठार झाले. या प्रकारचा गुन्हा पुन्हा घडू नये म्हणून तालिबानने या प्रकारच्या गुन्ह्याची जाहीर शिक्षा केली आहे.

अशा कारवाईबाबत तालिबानचे म्हणणे आहे की चुकीच्या कृत्याबद्दल लोकांच्या मनात भीती निर्माण करण्यासाठी अशा प्रकारची शिक्षा आवश्यक आहे. तालिबान अशा शिक्षा चालू ठेवेल, जेणेकरून लोक चुकीचे काम करण्यापूर्वी हजार वेळा विचार करतील. वजीराने सांगितले की चुकीच्या कामासाठी शिक्षा दिली पाहिजे. पण असा अमानवी मार्ग मानवतेसाठी योग्य नाही. सिद्दीकी म्हणतात, अफगाणिस्तानमध्ये 90 चे दशक पुन्हा एकदा त्या ठिकाणी परतले आहे, जेव्हा लोक तालिबानच्या भीतीने थरथर कापत असत.