Switzerland: रशिया-युक्रेनयुद्धात स्वित्झर्लंडने घेतली 'ही' भूमिका

Switzerland: रशिया आणि युक्रेनच्या युद्धाला सुरुवात एका वर्षापेक्षा जास्त कालावधी झाला आहे. परंतु तरीही हे युद्ध अजूनही सुरुच आहे. या युद्धात काही देश प्रत्यक्ष आणि अप्रत्यक्षपणे आपला पाठिंबा आणि विरोध दर्शवत आहेत.

अमेरिका आणि युरोपीय राष्ट्राने रशियाने हे युद्ध थांबवावे यासाठी दबाव निर्माण करण्याचा प्रयत्न केला होता.

रशियाचे कच्चे तेल जगभरात कोणीही विकत घेऊ नये असे आवाहन अमेरिकेत करण्यात आले होते. परंतु, रशियाने हे कच्चे तेल कमी किंमतीत निर्यात करण्यास सुरुवात केली होती. भारताने हे कच्चे तेल आयात केल्यानंतर रशिया आणि भारतामध्ये विक्रमी व्यापार झाला होता.

अमेरिके(USA )च्या आवाहनानंतरही भारताने तटस्थतेची भूमिका स्विकारत रशिया आणि इतर देशांबरोबरदेखील चांगले संबंध प्रस्थापित केले आहेत.

भारताच्या या भूमिकेवर टीकाही केली जाते. आता भारता( India )प्रमाणेच स्वित्झर्लंडनेदेखील रशिया आणि युक्रेन युद्धात तटस्थतेची भूमिका स्विकारली आहे.

दरम्यान, कोणत्याही देशांविषयी स्वित्झर्लंडने पहिल्यांदाच अशी भूमिका स्विकारलेली नाही तर याआधीही अनेकदा तटस्थतेची भूमिका स्विकारली आहे. स्वित्झर्लंड स्विकारलेल्या परराष्ट्र धोरणामुळे त्याचे वेगळेपण आणि महत्व आजही जगभरात टिकून आहे.