युक्रेनवर रशियाचे हल्ले सुरूच आहेत. युक्रेनमधील खार्किव येथे शुक्रवारी झालेल्या बॉम्बस्फोटात 96 वर्षीय बोरिस रोमचेन्को यांचा मृत्यू झाला. नाझी छावणीत (होलोकॉस्ट) ज्यूंच्या हत्याकांडातून वाचून रोमचेन्को युक्रेनला परतले होते. शुक्रवारी खार्किवमध्ये झालेल्या गोळीबारात त्यांचा मृत्यू झाला.
बुचेनवाल्ड कॉन्सन्ट्रेशन कॅम्प मेमोरियल इन्स्टिट्यूटने देखील रोमचेन्कोच्या मृत्यूची पुष्टी केली आहे. संस्थेने म्हटले आहे की, द्वितीय विश्वयुद्धात रोमचेन्को बुचेनवाल्ड, पीनेम्युंडे, डोरा आणि बर्गन-बेलसेन कॅम्पमध्ये जिवंत राहिले. रोमाचेन्को यांच्या मृत्यूच्या वृत्ताने सर्वांना धक्का बसला आहे. रोमचेन्को इतरांना नाझींनी केलेल्या अत्याचारांची माहिती देत असे.
बोरिस रोमचेन्कोची नात युलिया रोमचेन्को यांनी सीएनएनला सांगितले की, 18 मार्च रोजी साल्टिवका येथे गोळीबार झाल्याची बातमी आली होती. यानंतर त्यांनी स्थानिक लोकांना आजोबांच्या घराबद्दल विचारणा केली. स्थानिकांनी जळणाऱ्या घराचा व्हिडिओ (Video) आम्हाला पाठवला.
ती पुढे म्हणाली, साल्टिव्हकामध्ये कर्फ्यू होता, त्यामुळे ती तिथे लवकर जाऊ शकले नाही. तिथे पोहचल्यावर मी पाहिले की माझ्या आजोबांचे घर (House) पूर्णपणे जळाले आहे. घरात ना खिडक्या होत्या ना बाल्कनी, काहीच उरले नव्हते. शुक्रवारी खार्किवमध्ये झालेल्या गोळीबारात त्यांचा मृत्यू झाला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
