जपानी उद्योजक युसाकू माएझावा यांनी बुधवारी आंतरराष्ट्रीय अंतराळ स्थानकाच्या दौऱ्याच्या प्रवासाला (Space Travel) सुरुवात केली आहे. यामुळे ते अंतराळात (Space) पोहोचलेल्या अब्जाधीशांच्या यादीत सामील झाले आहेत.
कझाकस्तान मधून उड्डाण केलेल्या रशियन (Russia) रॉकेट त्यांना अंतराळात घेऊन जाणार आहे. ते आंतरराष्ट्रीय अंतराळ स्थानकावर (International Space Station) 12 दिवस वास्तव्य करतील. अलिकडच्या वर्षांत स्टेशनला भेट देणारे ते पहिलेच अंतराळ पर्यटक (Tourist) ठरणार आहेत. पत्रकार परिषदेत बोलताना मेझावा म्हणाले की, "ही सहल स्वप्न सत्यात उतरवणारी असेल. त्यांनी आंतरराष्ट्रीय अंतराळ स्थानकावर असताना 100 कार्ये करण्याचे वचन दिले आहे, जे जनतेने योगदान दिलेल्या सूचनांच्या यादीतून काढले आहेत.
अब्जाधीश जेफ बेझोस व रिचर्ड ब्रॅन्सन यांनी या वर्षाच्या सुरुवातीला अवकाशाच्या काठावरचा प्रवास केला होता. त्यांना मागे टाकत माएझावा थेट अंतराळ स्थानकालाच भेट देणार आहेत. अवकाशात भ्रमंती करण्यासाठी त्यांना 88 मिलियन डॉलर इतकी किंमत मोजावी लागली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
