Shooting in Hamburg Germany: जर्मनीच्या हॅम्बर्ग शहरातून बेछुट गोळीबीराची घटना समोर आली आहे. हॅम्बर्गमधील एका चर्चमध्ये अचानक गोळीबार झाला. या घटनेत तब्बल 24 लोक लोक गंभीर जखमी झाले आहेत.
तर तब्बल सहा जणांना जीव गमवावा लागला आहे. जर्मन पोलिसांनी दिलेल्या माहितीनुसार, रात्री सव्वा नऊच्या सुमारास गोळीबार झाला. दरम्यान, पोलिसांनी स्थानिकांना सतर्क राहण्यास सांगितलं आहे. तसेच, घरातच राहण्याच्या सूचनाही दिल्या आहेत.
"प्राथमिक माहितीनुसार, ग्रोसबोरस्टेल जिल्ह्यातील डेलबोझ स्ट्रीट येथील चर्चमध्ये गोळीबार करण्यात आला. या गोळीबारात अनेक लोक गंभीर जखमी झाले, काहींना प्राणही गमवावे लागले." दरम्यान, पोलिसांनी या भागातील नागरिकांना सतर्क राहण्यास सांगितले आहे.
पोलिसांनी दिलेल्या माहितीनुसार, हल्लेखोरांनी रात्री सव्वा नऊच्या सुमारास चर्चमधील लोकांवर गोळीबार केला. पण हल्लेखोर किती होते हे अद्याप स्पष्ट झालेले नाही. पोलीस सध्या या प्रकरणाचा गांभीर्याने तपास करत आहेत. आरोपींना शोधण्यासाठी पोलिसांकडून सीसीटीव्ही फुटेज तपासले जात आहे.
जर्मन पोलिसांनी दिलेल्या माहितीनुसार अनेक रस्ते बंद करण्यात आले आहेत. लोकांना या परिसरापासून दूर राहण्यास सांगितले आहे. या संदर्भातील मॅसेजही लोकांच्या मोबाईलवर पाठवण्यात आले आहेत.
स्थानिक रहिवाशांना घरातच राहण्याचा सल्ला देण्यात आला आहे. तसेच, अगदी आवश्यक असेल तेव्हाच फोन वापरण्यास सांगण्यात आले आहे. या घटनेबाबत पोलीसांचा तपास सुरु आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.