Saudi Arabia New Law For Women: सौदी अरेबिया हा एक मुस्लिम देश आहे, परंतु गेल्या एका दशकात या देशाने अनेक कठोर नियमांना तिलांजली देण्याचा प्रयत्न केला आहे. हा देश कट्टरतावाद सोडून प्रत्येक धर्म, प्रत्येक व्यक्तीला समान अधिकार देण्यासाठी काम करत आहे. महिलांना त्यांचे हक्क मिळवून देण्याबाबतही इथे बरेच काम केले जात आहे. यातच सौदी अरेबिया सरकारने अजून एक मोठा निर्णय घेतला आहे.
अहवालानुसार, आता महिलांना 'मेहरम' किंवा पुरुष साथीदाराशिवाय हज किंवा उमराह करण्याची परवानगी असेल. सौदीची राजधानी रियाधने (Riyadh) सोमवारी याची घोषणा केली आणि हा नियम प्रत्येक देशातील महिलांना लागू होईल, असे सांगितले. आतापर्यंत महिला आणि मुलांना फक्त 'मेहरम' नेच हजला जाण्याची परवानगी होती. मेहराम हा पुरुष साथीदार आहे, जो संपूर्ण हज दरम्यान महिलेसोबत राहतो.
सौदी अरेबियाच्या मंत्र्याने नवीन नियमाची पुष्टी केली
पूर्वी 45 वर्षांपेक्षा जास्त वयाच्या महिलांना (Women) मेहरामशिवाय हज करण्याची परवानगी होती, परंतु तो अपवाद होता. ही परवानगी प्रत्येक महिलेसाठी नव्हती. सौदी अरेबियाचे हज आणि उमराह मंत्री तौफिक अल राबिया म्हणाले की, "महिला आता मेहरामशिवाय उमराह करण्यासाठी देशात येऊ शकतात." या आदेशामुळे सौदी अरेबियाची (Saudi Arabia) अनेक दशके जुनी प्रथा संपुष्टात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
