Russia-Ukraine War: रशिया आणि युक्रेन यांच्यातील युद्ध थांबण्याचं नाव घेत नाहीये. रशिया सातत्याने युक्रेनवर क्षेपणास्त्र हल्ला करत आहे. विशेष म्हणजे, गेल्या काही दिवसांपासून रशियाने हे हल्ले आणखी तीव्र केले आहेत. कीव-मॉस्को संघर्षादरम्यान बुधवारी रशियाने युक्रेनच्या चेर्निहाइव्ह शहरावर क्षेपणास्त्र हल्ला केला. या हल्ल्यात 17 जणांचा मृत्यू झाला, तर 61 जण जखमी झाले आहेत. युक्रेनचे राष्ट्राध्यक्ष वोलोडिमिर झेलेन्स्की यांनी सांगितले की, मृतांचा आकडा आणखी वाढण्याची शक्यता आहे. या मृत्यूंसाठी त्यांनी युक्रेनच्या हवाई संरक्षणाला जबाबदार धरले.
युक्रेनचे राष्ट्राध्यक्ष वोलोडिमिर झेलेन्स्की यांनी निवेदन जारी करत म्हटले की, "जर युक्रेनकडे पुरेशी हवाई संरक्षण उपकरणे असती, तर असे हल्ले झाले नसते. दहशतवादी तेव्हाच लोकांना मारतात जेव्हा कोणी त्यांना रोखण्यासाठी आणि त्यांचा सामना करण्यासाठी तयार राहते."
चेर्निहाइव्ह शहराचे प्रमुख ओलेक्झांडर लोमाको यांनी सांगितले की, "मी स्वतः नुकसान झालेल्या वाहनांमध्ये रक्ताने माखलेले मृतदेह पाहिले. मृतांमध्ये मोठ्या प्रमाणात तरुण आहेत." त्यांनी पुढे सांगितले की, बचाव कर्मचारी अजूनही मृत लोकांचा शोध घेत आहेत. या हल्ल्यामुळे युक्रेनला हवाई संरक्षण उपकरणांची गरज असल्याचे दिसून आले.''
दरम्यान, चेर्निहाइव्ह हे शहर रशियाच्या सीमेवर वसलेले आहे. युक्रेनचे मंत्री इहोर क्लायमेन्को यांनी सांगितले की, "रशियन गोळीबारात ठार झालेल्यांमध्ये 25 वर्षीय पोलिस लेफ्टनंटचा समावेश आहे." त्यांनी पुढे सांगितले की, "शेजारच्या घरातील एक महिला, जी आजारपणामुळे रजेवर होती, ती गंभीर जखमी झाली आहे."
दुसरीकडे, रशिया-युक्रेन संघर्षाच्या सुरुवातीच्या टप्प्यात रशियाने चेर्निहाइव्हला घेरले होते. मीडिया रिपोर्ट्सनुसार, रशियन लोकांना येथून हाकलल्यानंतर आणि युक्रेनच्या हवाई संरक्षणात सुधारणा झाल्यानंतर लोक या भागात परतले होते. चेर्निहाइव्ह रशिया आणि बेलारुसच्या सीमेजवळ, राजधानी कीवपासून सुमारे 150 किलोमीटर अंतरावर आहे. या शहराची लोकसंख्या अंदाजे 2,50,000 आहे. बुधवारी रशियाने या भागात तीन क्षेपणास्त्रे डागली. युक्रेनची ताकद आता लष्करी साधनांच्या कमतरतेमुळे कमी होत चालली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.