झकास! 250 फुग्यांवर स्वार होऊन वधूची आकाशातून एन्ट्री, व्हिडिओ व्हायरल

आजकाल लग्नसोहळ्यांमध्ये काही तरी नवीन पाहायला मिळते. तसेच सध्याच्या लग्नसोहळ्यामध्ये दिखावा अधिक पाहायला मिळतो. लग्नात होणारा खर्च आणि केलेला झगमगाट यावरून लग्न किती चांगले झाले हे लोक ठरवतात. नवीन ट्रेंडमध्ये (Trend) वधूच्या एन्ट्रीकडे खास लक्ष दिले जाते. नवरी कधी पालखीमधूल तर कधी भावांच्या खांद्यावरून मंडपात प्रवेश करते. सध्या सोशल मिडियावर एक व्हिडिओ व्हायरल होत आहे, ज्यामध्ये वधू आकाशातून फुग्यांच्या झोक्यावर बसून लग्नस्थळी पोहोचत असलेली दिसत आहे.

या व्हायरल व्हिडीओमध्ये (Viral Video) वरासह इतर पाहुणेमंडळी लग्नाच्या ठिकाणी आधीच पोहचले आहेत आणि ते वधूच्या येण्याची वाट पाहत आहेत. त्याचवेळी वधू पांढर्‍या ड्रेसमध्ये आकाशातून पांढर्‍या फुग्यांवर स्वार होत लग्नस्थळी येताना दिसते. सहसा ख्रिश्चनमध्ये वधू आपल्या वडिलांसोबत लग्नाच्या ठिकाणी येते. तिच्यासोबत तिचे नातेवाईक, मित्र आणि जवळचे लोक उपस्थित असतात. मात्र ही इटालियन (Italy) नववधू 250 हेलियम फुग्याच्या (Helium Balloons) मदतीने आकाशातून लग्नस्थळी आली आहे.

हा व्हिडिओ इन्स्टाग्रामवर (Instagram) शेअर करण्यात आला आहे. हा व्हिडिओ तो 40 लाख पेक्षा जास्त लोकांनी पाहिला आहे. यावेळी वधूने Dolce & Gabbana वेडिंग गाऊन घातला आहे. ज्यामध्ये ती प्रचंड सुंदर दिसत आहे. हा व्हिडिओ इन्स्टाग्रामवर sposiamovi नावाच्या अकाऊंटवरून शेअर करण्यात आला आहे. जे एका वेडिंग प्लॅनरचे अकाऊंट आहे. याच वेडिंग प्लॅनरचे हे भव्य लग्न आयोजित केले आहे.