जागतिक आरोग्य संघटनेच्या (WHO) प्रमुखांनी कोविड -19 (Covid-19) लसीचे बूस्टर डोस स्थगित करण्याचे आव्हान केले आहे. जेणेकरुन ज्या देशांमध्ये आतापर्यंत कमी लोकांनी लस घेतली आहे अशा लोकांना लसीचा पहिला डोस देण्यात येईल. जागतिक आरोग्य संघटनेचे (डब्ल्यूएचओ) महासंचालक टेड्रोस अधानोम घेब्रेयसस (Tedros Adhanom Ghebreasus) यांनी लसीकरणाच्या संख्येच्या बाबतीत विकसनशील देशांच्या तुलनेत पुढे असलेल्या बहुतेक श्रीमंत देशांना हे आवाहन केले आहे.
डब्ल्यूएचओच्या अधिकाऱ्यांनी सांगितले की, अद्याप हे सिद्ध झालेले नाही की लसीचे दोन डोस घेतलेल्या लोकांना बूस्टर डोस देणे कोरोना संसर्गाचा प्रसार थांबवण्यासाठी प्रभावी ठरेल. डब्ल्यूएचओने श्रीमंत देशांना विकसनशील देशांमध्ये लसींचा वापर वाढविण्यासाठी अधिक पावले उचलण्याचे वारंवार आवाहन केले आहे. टेड्रोसने या वर्षाच्या सुरुवातीला डब्ल्यूएचओने ठरवलेल्या लक्ष्याकडे लक्ष वेधले की, देशांमधील एकूण लोकसंख्येच्या 10 टक्के लोकांना कोरोनाची लस मिळाली आहे.
10% पेक्षा जास्त लोकसंख्येचे लसीकरण
ते बुधवारी म्हणाले, 'त्यानुसार, डब्ल्यूएचओ प्रत्येक देशाच्या किमान 10 टक्के लोकसंख्येला सप्टेंबरच्या अखेरीपर्यंत लसीकरण होईपर्यंत बूस्टर डोसला स्थिगिती देण्याची मागणी केली आहे. देशातील पात्र लोकसंख्येच्या 10 टक्क्यांहून अधिक लोकांना लसीकरण करण्यात आले आहे. (भारतात लसीकरण). आता या लोकांना बूस्टर डोस देण्याची गरज आहे की नाही यावर वाद आहे. भारतामधील 94 कोटी पात्र नागरिकांपैकी 27 टक्के नागरिकांना फक्त एकच डोस मिळाला आहे, तर अनेकांना अद्याप लस देणे बाकी आहे.
एसआयआयने जास्तीत जास्त लसी बनवल्या
कोरोना विषाणूविरोधात भारतात लसीकरण मोहीम यावर्षी 16 जानेवारीपासून सुरु करण्यात आली. भारतात कोवॅक्सिन आणि कोविशील्ड लसींना मान्यता दिली आहे. यातील बहुतेक डोस सीरम इन्स्टिट्यूट ऑफ इंडिया, पुणे यांनी दिले आहेत. ही कंपनी कोविशील्ड लस तयार करत आहे. तथापि, केंद्र सरकारने असे सूचित केले आहे की ते कोविड -19 च्या बूस्टर डोसवर अद्याप विचार करत नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
