Pakistan Army Brigadier Death: पाकिस्तानमधून एक मोठी बातमी समोर आली आहे. पाकिस्तानी लष्कराचे निवृत्त ब्रिगेडियर अमीर हमजा यांची गोळ्या घालून हत्या करण्यात आली. पाकिस्तानच्या पंजाब प्रांतातील झेलम भागातील लिला इंटरचेंज येथे ही घटना घडली. वृत्तानुसार, अज्ञात बंदूकधाऱ्यांनी त्यांच्यावर हल्ला केला. हमजा त्यांची पत्नी आणि मुलीसोबत प्रवास करत असताना त्यांच्यावर हा हल्ला झाला. हल्लेखोरांनी हमजा यांच्या कारवर बेछूट गोळीबार केला. त्यांनी कार थांबवण्याचा किंवा लुटण्याचा प्रयत्न केला नाही. यामुळे हल्लेखोरांचा उद्देश केवळ हत्येचा होता, असे मानले जात आहे. ही टार्गेट किलिंग आहे.
अधिकाऱ्यांनी या प्रकरणाचा तपास सुरु केला आहे. पोलिसांनी नोंदवलेल्या एफआयआरमध्ये दहशतवादाशी संबंधित कलमांचा समावेश नाही. पोलिसांच्या हवाल्याने या प्रकरणाचा ब्लाइंड मर्डर केस म्हणून तपास सुरु असल्याचे सांगण्यात आले.
वृत्तानुसार, सेवानिवृत्त ब्रिगेडियर अमीर हमजा हे इमरजन्सी सर्व्हिसेस अकादमी 1122 चे माजी डीजी होते. जम्मू-काश्मीरमधील सुंजवान आर्मी कॅम्पवर 2018 मध्ये झालेल्या दहशतवादी हल्ल्याचा ते मुख्य सूत्रधार होता, असा आरोप आहे. जैश-ए-मोहम्मदच्या दहशतवाद्यांनी हा हल्ला केल्याचा संशय आहे. 10 फेब्रुवारी 2018 रोजी हा हल्ला झाला होता. ज्यामध्ये भारतीय लष्करातील 5 जणांचा मृत्यू झाला होता. या हल्ल्यात 6 महिला आणि मुलांसह 10 जण जखमी झाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
