United Nations Human Rights Council: पुन्हा एकदा भारताची बदनामी करण्याचे षडयंत्र परदेशात रचले जात आहे का? भारताविरुद्ध मोहीम चालवण्यासाठी नवीन टूल किट कार्यान्वित करण्यात आली आहे? एक व्हिडिओ व्हायरल झाल्यानंतर हे प्रश्न उपस्थित होत आहे.
जिनिव्हा येथील संयुक्त राष्ट्र मानवाधिकार परिषदेच्या मुख्यालयाजवळ भारताविरोधातील अजेंडा प्रसारित जात आहे. व्हायरल झालेल्या व्हिडिओमध्ये रस्त्याच्या कडेला अनेक पोस्टर्स आणि बॅनर लावण्यात आल्याचे दिसत आहे. या पोस्टर्सवर भारतविरोधी मजकूर आणि घोषणा लिहिलेल्या आहेत.
दरम्यान, हा व्हिडिओ तिथे राहणाऱ्या एका भारतीय विद्यार्थ्याने बनवला आहे. व्हिडीओमध्ये दिसणाऱ्या पोस्टरमध्ये भारतातील (India) महिलांना गुलामांसारखी वागणूक दिली जाते. तिथे इतर पोस्टर्सवर लिहिले आहे की, भारतात बालविवाह होत आहेत, त्यामुळे भारतात मुलांच्या हक्कांचे उल्लंघन होत आहे.
याशिवाय, भारत ख्रिश्चनांच्या विरोधात राज्य समर्थित दहशतवादाचा सामना करत असल्याचे पोस्टरवर लिहिले आहे. दुसऱ्या एका पोस्टरवर भारतातील अल्पसंख्याकांना मॉब लिंचिंगने मारले जात असल्याचे लिहिले आहे.
हा व्हिडिओ व्हायरल झाल्यानंतर लोक सोशल मीडियावर (Social Media) प्रश्न विचारत आहेत की, पुन्हा एकदा भारताची बदनामी करण्याचे षडयंत्र रचले जात आहे का? भारताची बदनामी करण्यासाठी पुन्हा कोणते टूलकिट सक्रिय झाले आहे का? की आगामी 2024 च्या लोकसभा निवडणुकीसाठी हे काही नवीन षडयंत्र आहे?
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.