अमेरिका-तैवान करार बद्ध! चीनला धक्का

अमेरिका आणि तैवान यांच्यातील US$ 100 दशलक्ष क्षेपणास्त्र कराराला राष्ट्राध्यक्ष जो बायडेन यांच्या प्रशासनाने मान्यता दिली आहे. चीनचा वाढता दबाव पाहता तैवानची क्षेपणास्त्रांची संरक्षण यंत्रणा मजबूत करणे हा या क्षेपणास्त्र कराराचा उद्देश आहे. अमेरिकेच्या (America) परराष्ट्र मंत्रालयाने सोमवारी एक निवेदन जारी करून या क्षेपणास्त्र कराराला मंजुरी दिल्याची माहिती दिली आहे.

चीनची (Chaina) राजधानी बीजिंग (Beijing) येथे हिवाळी ऑलिम्पिक स्पर्धा होत असून, त्यामुळे देशात राष्ट्रवादाची भावना शिगेला पोहोचली, खेळ संपल्यानंतर चीनची तैवानबाबतची भूमिका आणखी कठोर होईल अशी भीती व्यक्त केली आहे. चीन तैवानला आपला भाग मानतो आणि त्याला आपल्या अधिकारक्षेत्रात आणण्यासाठी बळाचा वापर करण्याची शक्यता नाकारता येणार नाही. अलीकडच्या काही महिन्यांत चिनी लढाऊ विमानांनी तैवानच्या हवाई हद्दीतून उड्डाण केले आहे.

चीनच्या परराष्ट्र मंत्रालयाचे प्रवक्ते झाओ लिजियान (Zhao Lijian) यांनी मंगळवारी सांगितले की, तैवानला अमेरिकेची शस्त्रे विक्री... चीनच्या सार्वभौमत्व आणि सुरक्षा हितांना गंभीरपणे हानी पोहोचते आहे. हा करार तैवानला सध्याची हवाई-संरक्षण क्षेपणास्त्र प्रणाली आणि तैवानला अमेरिकेकडून मिळत असलेली प्रगत अमेरिकन क्षेपणास्त्रे तैनात करण्यात मदत करण्यासाठी आहेत. या कराराला मान्यता दिल्याबद्दल तैवानच्या संरक्षण मंत्रालयाने अमेरिकेचे आभार मानले आहेत.