Pope Francis: पोप फ्रान्सिस म्हणाले सेक्स ही जगातली सगळ्यात.... डॉक्युमेंटरीत धक्कादायक मते

Pope Francis: 'द पोप आन्सर्स' असे या डॉक्युमेंटरीचे नाव असून ती डिस्ने प्रॉडक्शनने बनवली आहे. वयाच्या ऐन विशीमध्ये असलेल्या 10 तरुणांची गेल्या वर्षी रोममध्ये पोप फ्रान्सिस यांनी भेट घेतली होती. त्यावर ही डॉक्युमेंटरी आधारीत आहे. पोप फ्रान्सिस यांनी एका डॉक्युमेंटरीसाठी दिलेल्या मुलाखतीत सेक्सच्या गुणांची प्रशंसा केली आणि "देवाने मानवाला दिलेल्या सुंदर गोष्टींपैकी एक" असे म्हटले.

"द पोप आन्सर्स" हा डॉक्युमेंट्री ही मूळ स्पॅनिश स्पेशल आहे. डॉक्युमेंटरीमध्ये त्यांनी सांगितले की, "सेक्स ही एक सुंदर गोष्ट आहे जी देवाने मानवाला दिली आहे." हस्तमैथुनाचा संदर्भ देत पोप म्हणाले की, लैंगिकरित्या स्वतःला व्यक्त करणे म्हणजे "श्रीमंतता". लैंगिक अभिव्यक्तीपासून वंचित राहिल्यास तुमच्यातील समृद्धताही कमी होते" असे ते म्हणाले.

चर्चमध्ये एलजीबीटी समुदायाचे स्वागत

'नॉन-बायनरी व्यक्ती' माहिती आहेत का असे विचारल्यावर पोप फ्रान्सिस म्हणाले की, होय. माहिती आहे. एलजीबीटी लोकांचे कॅथोलिक चर्चने स्वागत केले पाहिजे, असा पुनरुच्चार त्यांनी केला. ते म्हणाले की, सर्व पुरुष देवाची मुले आहेत. देव कोणालाही नाकारत नाही, देव पिता आहे. आणि चर्चमधून कोणालाही हाकलून देण्याचा मला अधिकार नाही.'

गर्भपाताबद्दल पोप फ्रान्सिस म्हणाले की, गर्भपात करणार्‍या स्त्रियांबद्दल दयाळूपणा दाखवला पाहिजे. तथापि, ही प्रथा अस्वीकारार्ह असल्याचेही ते म्हणाले. एका गर्भपाताला पाठिंबा देणे वेगळे आणि गर्भपात या कृतीचे समर्थन करणे वेगळे, असेही ते म्हणाले.

पोप फ्रान्सिस यांची ही मते व्हॅटिकनचे अधिकृत वृत्तपत्र असलेल्या L'Osservatore Romano नेही प्रकाशित केली होती. त्यात पोप यांनी तरूणांशी साधलेला दिलखुलास आणि प्रामाणिक संवाद असे वर्णन केले होते.