Pakistan: पाकिस्तानची बनवाबनवी! म्यानमारला विकली नादुरुस्त लढाऊ विमाने

Pakistan: या प्रकारामुळे पाकिस्तान आणि म्यानमार यांच्या संबंधामध्ये तणाव निर्माण झाला आहे.
Fighter Jet
Fighter JetDainik Gomantak

Pakistan: पाकिस्तान आणि म्यानमार यांच्यामध्ये २०१६ साली जेट विमाने खरेदी करण्यासाठी करार झाला होता. या करारानुसार पाकिस्तानने म्यानमारला लढाऊ विमाने पाठवली होती. मात्र आता या लढाऊ विमानांमध्ये दोष असल्याचे जगासमोर आले आहे.

या प्रकाराबद्दल म्यानमारने पाकिस्तानला उत्तर मागितले असून कडक शब्दात संदेशही पाठवला आहे. २०१९ आणि २०२१ या दरम्यान, पाकिस्तानने या कराराची पूर्तता केल्याचे पाहायला मिळत आहे.

मात्र म्यानमारने दिलेल्या माहीतीनुसार, JF 17 Thunder या जेट विमानांच्या डिलवरीनंतर त्यामध्ये त्रुटी दिसून आल्या आहेत, त्यामुळे त्याचा वापर केला जाऊ शकत नाही. या प्रकारामुळे पाकिस्तान आणि म्यानमार यांच्या संबंधामध्ये तणाव निर्माण झाला आहे.

म्यानमारच्या प्रशासनाने पाकिस्तानबरोबरच्या विमान खरेदी करण्याच्या नवीन चर्चांमध्ये सहभाग नोंदवण्यास सुरुवात केली आहे.

आता या विमानासाठी जे इतर देश पाकिस्तान( Pakistan )बरोबर करार करु इच्छित होते त्यांनी याकडे पाठ फिरवायला सुरुवात केली आहे. यामध्ये प्रामुख्याने लॅटीन अमेरिकन देशांचा समावेश आहे. आता म्यानमार यावर काय भूमिका घेणार, पाकिस्तान काय स्पष्टीकरण देणार हे पाहणे महत्वाचे ठरणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com