Pakistan Road Accident: पाकिस्तानात भीषण अपघातात, 20 ठार 15 जखमी; बचावकार्य सुरु

Pakistan: पाकिस्तानच्या वायव्येकडील गिलगिट-बाल्टिस्तान प्रांतातील दियामेर जिल्ह्यात असलेल्या काराकोरम राष्ट्रीय महामार्गावर मोठा अपघात झाल्याची बातमी समोर आली आहे.
Pakistan Road Accident
Pakistan Road AccidentDainik Gomantak

Pakistan Road Accident: पाकिस्तानातून एक धक्कादायक बातमी समोर आली आहे. पाकिस्तानच्या वायव्येकडील गिलगिट-बाल्टिस्तान प्रांतातील दियामेर जिल्ह्यात असलेल्या काराकोरम राष्ट्रीय महामार्गावर मोठा अपघात झाल्याची बातमी समोर आली आहे. या अपघातात प्रवाशांनी भरलेली बस खोल दरीत कोसळली, ज्यामध्ये 20 जणांचा मृत्यू तर 15 जण गंभीर जखमी झाले. या घटनेची माहिती देताना एका पोलीस अधिकाऱ्याने सांगितले की, बस रावळपिंडीहून हुंजाकडे जात असताना चालकाचे वाहनावरील नियंत्रण सुटले.

स्थानिक पोलीस (Police) अधिकाऱ्याने दिलेल्या माहितीनुसार, अपघाताच्या वेळी बसमध्ये किती लोक होते हे अद्याप कळू शकलेले नाही. जखमींना रुग्णालयात दाखल करण्यात आले असून बचावकार्य सुरु असल्याचे त्यांनी सांगितले. मृतांनाही रुग्णालयात दाखल करण्यात आले आहे. मृत लोकांची माहिती देताना रुग्णालयातील एका कर्मचाऱ्याने सांगितले की, मृतांमध्ये तीन महिलांचाही समावेश आहे.

Pakistan Road Accident
Pakistan Heavy Rain: बुडत्याचा पाय खोलात! पाकिस्तानात मुसळधार पावसामुळे 39 जणांचा मृत्यू; बलुचिस्तानमध्ये आणीबाणी लागू

मृतांचा आकडा वाढण्याची भीती

दरम्यान, या भीषण अपघाताबाबत (Accident) बचाव कर्मचाऱ्यांनी सांगितले की, जखमींपैकी अनेकांची प्रकृती चिंताजनक असल्याने मृतांचा आकडा वाढण्याची शक्यता आहे. गिलगिट-बाल्टिस्तानचे मुख्यमंत्री हाजी गुलबर खान यांनी या दुर्घटनेबद्दल शोक व्यक्त केला असून जखमींना तातडीने वैद्यकीय मदत देण्याचे निर्देश प्रशासनाला दिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com