Pakistan Punjab province: पाकिस्तानच्या पंजाब प्रांतात बस आणि ट्रकच्या धडकेत 13 जणांचा मृत्यू झाला आहे. अधिकाऱ्यांनी दिलेल्या माहितीनुसार, शनिवारी संध्याकाळी लाहोरपासून सुमारे 400 किमी अंतरावर रहीम यार खान जिल्ह्यात विरुद्ध दिशेने येणाऱ्या ऊस वाहून नेणाऱ्या ट्रकला बस धडकली. बसमध्ये एकूण 18 प्रवासी होते.
"अपघातानंतर, स्थानिक लोकांसह बचाव पथकाने जखमींना रुग्णालयात (Hospital) दाखल केले, जिथे 13 जणांना मृत घोषित करण्यात आले. तर उर्वरित पाच जखमींची प्रकृती चिंताजनक असल्याचे सांगण्यात येत आहे," असे अधिकाऱ्यांनी सांगितले. मृतांमध्ये महिलांचाही समावेश आहे.
बसला धडक
अपघात (Accident) झालेल्या रस्त्यावर पावसाचे पाणी साचल्याचे अधिकाऱ्यांनी सांगितले. अपघातानंतर बस उसाच्या ढिगाऱ्याखाली आली. जखमींना रुग्णालयात नेण्यासाठी बचाव पथकाला बराच वेळ लागला, असे निवेदनात म्हटले आहे. ट्रकचा चालक घटनास्थळावरुन फरार झाला असून, त्याचा शोध सुरु आहे.
स्फोटात तीन ठार, पाच जखमी
दुसरीकडे, पाकिस्तानच्या (Pakistan) खैबर पख्तुनख्वा प्रांतात शनिवारी झालेल्या भूसुरुंगाच्या स्फोटात तीन जण ठार तर पाच जण जखमी झाले. ही घटना उत्तर वझिरीस्तानमधील मीर अली तहसील भागात घडली, असे एका पोलीस अधिकाऱ्याने सांगितले. त्यांनी पुढे सांगितले की, 'दुचाकी भूसुरुंगावर आदळली, त्यामुळे दुचाकीस्वारांचा मृत्यू झाला.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
