तालिबानने हमाममध्ये महिलांच्या प्रवेशावर घातली बंदी

अफगाण महिलांवर बंदी घालण्याच्या सिक्वलमध्ये तालिबानने हमाममध्ये जाण्याबाबत प्रवेशावर बंदी घातली आहे. उत्तर अफगाणिस्तानातील बाल्ख आणि उझबेकिस्तानच्या सीमेला लागून असलेल्या प्रदेशात महिलांना आता सार्वजनिक स्नानगृहात जाण्यास बंदी असेल. मुस्लीम जगतात प्राचीन काळापासून हमामची प्रथा आहे, ज्यामध्ये महिलांचाही सहभाग आहे. पण आता इस्लामिक शिकवणीच्या नावाखाली त्यांना वेगळे केले जात आहे. प्रेसच्या अहवालानुसार, अफगाणिस्तानमधील (Afghanistan) तालिबान (Taliban) राजवटीने अफगाण महिलांना सार्वजनिक स्नानगृहात जाण्यास पूर्णपणे मनाई केली आहे.

तालिबानच्या म्हणण्यानुसार, धार्मिक विद्वानांनी एकमताने हा निर्णय घेतला आहे. आता अफगाण स्त्रिया आंघोळीसाठी फक्त खाजगी बाथरूम वापरू शकतात. कारण त्यांना इस्लामिक रितीरिवाजांचे पालन करावे लागेल जे हमाममध्ये शक्य होणार नाही. बल्ख प्रांतातील धार्मिक विद्वानांच्या म्हणण्यानुसार, सर्व धार्मिक विद्वानांशी चर्चा केल्यानंतरच हा निर्णय घेण्यात आला आहे. या मार्गदर्शक तत्त्वांमध्ये असे म्हटले आहे की प्रत्येक घरात आधुनिक स्नानगृह नसल्यामुळे पुरुषांना हम्माममध्ये जाण्याची परवानगी असेल, परंतु हिजाब पाळल्यामुळे महिलांना खाजगी स्नानगृह वापरावे लागतील. याशिवाय, अल्पवयीन मुलांनाही हमाममध्ये प्रवेश दिला जाणार नाही. त्यांच्या शरीराची मालिश करण्यावरही बंदी असेल.

तालिबानी कुंपण हटवण्याबाबत पाक चिंतेत

अफगाणिस्तानच्या सीमेवर त्यांच्या सैनिकांनी कुंपण उखडून टाकल्याच्या घटनांबद्दल पाकिस्तानने तालिबान राजवटीवर चिंता व्यक्त केली आहे. एक्स्प्रेस ट्रिब्यूनच्या वृत्तानुसार, दोन्ही देशांमधील संबंध ताणले जाऊ नयेत यासाठी पाकिस्तानने अत्यंत संयम पाळत अफगाणिस्तानच्या तालिबान नेतृत्वाकडे आपली चिंता व्यक्त केली आहे. मात्र, येत्या २४ तासांत पाकिस्तान यासंदर्भात औपचारिक निवेदन जारी करेल. एका अनौपचारिक निवेदनात पाकिस्तानने म्हटले आहे की, पाकिस्तान-अफगाणिस्तान सीमेवर पाकिस्तानने लावलेले कुंपण स्थानिक तालिबान्यांनी अनेक आठवड्यांपासून उखडून टाकले आहे. 18 डिसेंबर रोजी अशी पहिली घटना घडली होती.

इराणने अद्याप तालिबानला मान्यता देण्यास नकार दिला आहे

इराणने म्हटले आहे की ते तालिबान सरकारची संपूर्ण स्थापना होईपर्यंत त्यांना मान्यता देणार नाही. इराणचे राजदूत बहादूर अमिनियान यांनी एका मुलाखतीत सांगितले की, इराण कदाचित इतर देशांना अफगाणिस्तानच्या इस्लामिक अमिरातीच्या सरकारला मान्यता देण्यास पटवून देऊ शकेल. या सरकारमध्ये सर्व घटकांचा समावेश होईपर्यंत पाठिंबा देणार नाही. सत्ताधारी गटात एकाच वंशाच्या लोकांचा समावेश असेल तर ते योग्य नाही.