काबुल हल्ल्या प्रकरणी अमेरिकन सैनिकाला शिक्षा नाहीच: पेंटागॉन

अफगाणिस्तान (Afghanistan) ड्रोन हल्ल्यासाठी कोणत्याही अमेरिकन सैनिकाला शिक्षा होणार नाही. काबूलमध्ये (Kabul) चुकीच्या ड्रोन हल्ल्याबद्दल कोणत्याही सैनिकाला शिक्षा होणार नाही, असे पेंटागॉनने म्हटले आहे. 29 ऑगस्ट रोजी काबूल ड्रोन हल्ल्यात 10 नागरिकांचा मृत्यू झाला होता. संरक्षण सचिव लॉयड ऑस्टिन यांनी ड्रोन हल्ल्यांबद्दल कोणत्याही अमेरिकन (US) सैनिकाला शिक्षा न करण्याच्या शिफारसी स्वीकारल्या आहेत.

काबूल ड्रोन हल्ल्यात अमेरिकन सैनिकाला शिक्षा झाली नाही

29 ऑगस्ट रोजी, काबूल ड्रोन हल्ल्यात अमेरिकन मदत संस्थेचा एक अफगाण कर्मचारी आणि सात मुलांसह 10 नागरिक ठार झाले. 29 ऑगस्टचा हल्ला हा गुन्हेगारी निष्काळजीपणाचा परिणाम नव्हता, असे लष्करी अधिकाऱ्यांनी म्हटले होते. या घटनेच्या स्वतंत्र तपासाचे नेतृत्व करणारे हवाई दलाचे महानिरीक्षक म्हणाले की, ड्रोन हल्ल्याने युद्धाच्या नियमांचे उल्लंघन केले नाही. पेंटागॉनच्या (Pentagon) नेत्यांनी ड्रोन हल्ला ही दुःखद चूक असल्याचे मान्य केले आहे. पण अमेरिकन सैनिकांवर कोणत्याही शिस्तभंगाच्या कारवाईची शिफारस केली नाही.

आत्मघातकी हल्ल्यानंतर ड्रोन हल्ला

यूएस सेंट्रल कमांडच्या प्रवक्त्याने या प्रकरणावर भाष्य करण्यास नकार दिला. हमीद करझाई आंतरराष्ट्रीय विमानतळाबाहेर आत्मघाती बॉम्बरने हल्ला केल्यानंतर काही दिवसांनी ड्रोन हल्ला झाला. या आत्मघातकी हल्ल्यात 13 अमेरिकन सैनिक आणि किमान 170 अफगाण नागरिक मारले गेले. त्यानंतर लष्करी अधिकाऱ्यांनी ड्रोन हल्ल्याला मंजुरी दिली. त्यांचा स्पष्ट विश्वास होता की ते इस्लामिक स्टेट-खोरासानच्या कार्यकर्त्याला लक्ष्य करत आहेत. मात्र, पेंटागॉनने पीडितांच्या कुटुंबीयांना नुकसानभरपाई देण्याचे आश्वासन दिले असून लवकरच नुकसान भरपाईची रक्कम पीडितांच्या कुटुंबीयांना देण्यात आली आहे.