Citizenship: भारतातून फरार झालेला नित्यानंदने कैलासा नावाचा देश वसवल्याची माहिती समोर आल्यापासून ही बातमी चर्चेत आहे. आता तो आपल्या कैलासा या देशात नागरिकता देत आहे.
कैलासाचे नागरिक बनण्यासाठी काय प्रक्रिया आहे हेही नित्यानंदने जाहीर केले आहे. व्हेरिफाइड सोशल मिडिया अकाऊंटवरुन नागरिकता घेण्यासाठी लोकांना आवाहन केले आहे.
तुम्ही हिंदू धर्माचे पालन करत असाल किंवा हिंदू विचारधारेला मानत असाल किंवा हिंदू विचारधारा मानणाऱ्या समुहाबरोबर जोडू इच्छित असाल तर तर तुम्ही मोफत कैलासाची इ-नागरिकता घेऊ शकता असे या आवाहनात म्हटले आहे.
कैलासाच्या ऑफीशिअल अकाऊंटवरुन नागरिकतेच्या संदर्भात अनेक ट्विट केले आहेत. नागरिकतेसाठी दिल्या गेलेल्या लिंकमध्ये नाव, पत्ता , व्यवसाय आणि फोन नंबर सारख्या पर्यायातून तुमची माहिती मागितली जात आहे.
कैलासाचे नागरिकत्व मिळू शकते असा दावा कैलासाच्या अकाऊंटवरुन केला जात आहे. मात्र कैलासाचे नागरिकत्व मिळाल्यावर कैलासावर कसे पोहचायचे याबद्दल कोणतीही माहिती उपलब्ध नाही.
नित्यानंदने कैलासा का वसवले ?
नित्यानंदवर बलात्काराचा आरोप लागल्यानंतर तो भारत सोडून पळून गेला होता. त्यानंतर त्याने दक्षिण अमेरिकेत जमीन खरेदी करुन त्याला आपला देश म्हणून घोषित केले आहे. या देशाला कैलासा असे नाव दिले आहे. नित्यानंदने कैलासा हे हिंदूराष्ट्र असल्याचे घोषित केले आहे.
ज्या हिंदूना जगाच्या कोणत्याही भागात सतावले गेले असेल अशा हिंदूना या देशात सुरक्षा दिली जाते असे कैलासाच्या वेबसाइटवर म्हटले आहे. कैलासाचे स्वत:ची रिझर्व बॅंक, संविधान , चलन असल्याचा दावा केला जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.