NASA Alert about Glacier: इजिप्तमध्ये एकीकडे संयुक्त राष्ट्राचे जलवायु परिवर्तन परिषद सुरू असताना अमेरिकन अंतराळ संशोधन संस्था (नासा) ने एक सर्वात मोठा हिमखंड समुद्रात कोसळू शकतो, अशी भीती वर्तवली आहे. Antarctic Iceberg A-76A असे या हिमखंडाचे नाव आहे.
नासाने एक उपग्रह छायाचित्र जारी केले आहे. यात अंटार्क्टिका खंडातील सर्वात मोठा हिमखंड लवकरच समुद्रात सामावून जाईल, असे दिसत आहे. नासाच्या माहितीनुसार हा हिमखंड वितळून समुद्रात विरघळून जाईल.
यूएस नॅशनल आईस सेंटरच्या माहितीनुसार हा हिमखंड 135 किलोमीटर लांब आणि 26 किलोमीटर रूंद आहे. म्हणजेच इंग्लंडची राजधानी लंडनपेक्षा जवळपास दुप्पट आकाराचा हिमखंड आहे. ग्लेशियर रोड आयलँडमधील हा सर्वात मोठा भाग आहे. पुर्वी हा जगातील सर्वात मोठा हिमखंड होता. मे 2021 मध्ये अंटार्क्टिका येथे रोन आईस शेल्फच्या पश्चिमेकडील भाग तुटला हगोता त्यानंतर हा हिमखंड 76A, 76B , आणि 76C अशा तीन भागात विभाजीत झाला. 76A हा सर्वात मोठा तुकडा आहे.
लाईव्ह सायन्सच्या माहितीनुसार हा हिमखंड अंर्टाक्टिकासमवेत हळूहळू वाहत चालला होता. पण आता त्याचा वितळण्याचा वेग वाढला आहे. त्यामुळे एकप्रकारे या हिमखंडाचा अंतिम प्रवासच सुरू झाला आहे. 31 ऑक्टोबर रोजी नासाच्या टेरा या उपग्रहाने हा फोटो काढला होता. सध्या हा हिमखंड दक्षिण आफ्रिकेच्या केप हॉर्न आणि दक्षिण शेटलँड यांच्या मध्ये पॅसिफिक आणि अटलांटिक महासागराला जोडणाऱ्या एका आखातात तरंगत आहे. नासाच्या अर्थ ऑब्झर्व्हेटरीने हा फोटो 4 नोव्हेंबर रोजी ऑनलाईन प्रकाशित केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.