देशात कोरोनाची तिसरी लाट सुरू आहे. दरम्यान, आज केंद्रीय आरोग्य मंत्रालयाचे सचिव राजेश भूषण यांनी सांगितले की, जगात कोरोना रूग्णांचे प्रमाण वेगाने वाढत आहे. आशियामध्ये गेल्या 4 आठवड्यांपासून 7.9 टक्क्यांवरून 18.4 टक्क्यांपर्यंत कोरोना रूग्णांचे प्रमाण वाढले आहे. भारतातही कोरोनाच्या (Covid19) रूग्णांमध्ये झपाट्याने वाढ होताना दिसत आहे. सचिव राजेश भूषण म्हणाले की, "महाराष्ट्र, कर्नाटक, तामिळनाडू, केरळ, पश्चिम बंगाल, यूपी, गुजरात, ओडिशा, दिल्ली आणि राजस्थान या 10 राज्यांमध्ये सर्वात जास्त कोरोनाचे सक्रिय रूग्ण आहेत.(India Corna Updates)
केरळमध्ये पाजिटिविटी (Covid Positive)दर हा 32 टक्के आहे. दिल्लीत पाजिटिविटीचा दर ३० टक्के, उत्तर प्रदेशमध्ये तो 6 टक्क्यांपेक्षा जास्त आहे. देशात अशी 11 राज्ये आहेत जिथे 50 हजारांहून अधिक कोरोनाचे सक्रिय रूग्ण आहेत, तर 13 राज्यांमध्ये 10 ते 50 हजार दरम्याण कोरोनाचे सक्रिय रूग्ण आहेत. कोरोनाच्या दुसऱ्या लाटेच्या तुलनेत, तिसऱ्या लाटेतील सक्रिय रुग्णांच्या तुलनेत मृतांची संख्या खूप कमी झाली आहे. दुसर्‍या लाटेत लसीकरणाची लोकसंख्या 2 टक्के होती, आता ती तिसर्‍या लाटेत लसीकरण झालेल्या लोकसंख्येच्या 72 टक्के आहे.
राजेश भूषण (Rajesh Bhushan)म्हणाले की, सध्या जगात कोरोनाची चौथी लाट पाहायला मिळत आहे, गेल्या 1 आठवड्यात दररोज 29 लाख रुग्णांची नोंद झाली आहे. आफ्रिकेतील (Africa) कोविड रुग्णांची संख्या 4 आठवड्यांत कमी झाली तर आशियामध्ये कोविड रुग्णांची संख्या वाढली आहेत. युरोपमध्येही केसेस कमी होत आहे.
राजेश भूषण म्हणाले की, गेल्या 4 दिवसांत दैनंदिन कोविड चाचणीत सातत्याने वाढ करण्यात आली आहे. गेल्या 24 तासात सुमारे 19 लाख चाचण्या केल्या आहेत. महाराष्ट्रातील साप्ताहिक पाजिटिविटी रेट 2 टक्क्यांवरून 22 टक्क्यांवर पोहोचला आहे तर कर्नाटकातील पाजिटिविटी रेट 4 आठवड्यांपूर्वी 0.5 टक्के होता जो आता 15 टक्के झाला आहे. तर उत्तर प्रदेशमध्ये गेल्या 24 तासांत कोरोनाचे 18554 नवीन रुग्ण आढळले आहेत. तर 19,328 लोकांना डिस्चार्ज देण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
