इराणने इराकमध्ये क्षेपणास्त्र हल्ला केला आहे. इराणच्या इस्लामिक रिव्होल्युशनरी गार्ड कॉर्प्सने इराकच्या ईशान्य कुर्दिस्तान भागात क्षेपणास्त्र आणि ड्रोन हल्ला केला आहे. हाती आलेल्या माहितीनुसार, या हल्ल्यात 13 जणांचा मृत्यू झाला आहे. यासोबतच इस्लामिक रिव्होल्युशनरी गार्ड कॉर्प्स (IRGC) च्या या कारवाईत 58 जण जखमी झाल्याचे सांगण्यात येत आहे.
इराणच्या रिव्होल्यूशनरी गार्ड कॉर्प्स ग्राउंड फोर्सने इराकच्या उत्तरेकडील फुटीरतावादी गटाच्या काही स्थानांना मिसाइल आणि आत्मघाती ड्रोनने लक्ष्य केले, इराणच्या सरकारी IRNA न्यूज एजन्सी आणि ब्रॉडकास्टरने दिलेल्या माहितीनुसार.
इराणने इराकवर केला हल्ला
"दहशतवादी गटांचे स्थान संपुष्टात येईपर्यंत, धोका प्रभावीपणे नाकारता येत नाही," इस्लामिक रिव्होल्युशनरी गार्ड कॉर्प्सने सरकारी टेलिव्हिजनवर दिलेल्या निवेदनात म्हटले असल्याचा अल्जझीराने अहवाल दिला आहे.
अमेरिकेने या हल्ल्याचा निषेध केला
इराणी अधिकार्‍यांनी उत्तर इराकमधील इराणी-कुर्दिश फुटीरतावादी इराणमधील निषेधांमध्ये सहभागी असल्याचा आरोप केला आहे ज्यात डझनभर लोक मारले गेले आहेत. मिळालेल्या माहितीनुसार, इराणच्या ड्रोन हल्ल्यांनी लष्करी छावणी, घरे, कार्यालये आणि कोयाच्या आसपासच्या इतर भागांना लक्ष्य केले. दुसरीकडे, अमेरिकेने इराणच्या हल्ल्याचा निषेध केला असून, हा इराक आणि तेथील जनतेच्या सार्वभौमत्वावर हल्ला असल्याचे म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
