Milan Fashion Week 2023-24 अतिशय अनोख्या पद्धतीने सुरु झाला, ज्याने लोकांना चकित केले. त्या सेटवर एक डोंगर बनवण्यात आला ज्याने लोकांचे लक्ष वेधून घेतले. तुम्हाला हे जाणून आश्चर्य वाटेल की, या फॅशन वीकमध्ये सेटवर बनवलेला डोंगर कंडोमचा होता.
दरम्यान, बुधवारी सुरु झालेल्या वॉक शो दरम्यान मॉडेल्स कंडोमच्या एका विशाल डोंगराभोवती फिरत होत्या. प्रसिद्ध कपड्यांचा (Clothes) ब्रँड डिझेल नवीन कलेक्शन घेऊन आला आहे, त्याच्या लॉन्चची थीम होती स्वातंत्र्य, आनंद आणि प्रयोग (Freedom, Pleasure, And Experimentation). कंपनीच्या नवीन कलेक्शनने लोकांचे लक्ष वेधून घेतले.
बरं, कंडोमचा डोंगर या फॅशन वीकमध्ये आकर्षणाचा केंद्रबिंदू होता, ज्याने प्रेक्षकांमध्ये एकाच वेळी आश्चर्य आणि कुतूहल दोन्ही निर्माण केले होते. कंपनीला या कंडोम स्टॅकच्या मदतीने जगभरात सुरक्षित लैंगिक संदेशाचा प्रचार करायचा आहे.
यासाठी, डिझेलने ड्युरेक्ससोबत सहकार्य केले. कपडे निर्माता कंपनी डिझेल एप्रिलमध्ये जगभरात सुमारे 3 लाख कंडोम देण्याची योजना आखत आहे. त्याची तयारी मोठ्या प्रमाणावर सुरु आहे. कंपनीने सांगितले की, या फॅशन वीकमध्ये माउंटन बनवण्यासाठी 2 लाख कंडोम वापरण्यात आले.
कंपनीने (Company) पुढे सांगितले की, आम्ही लोकांना 3 लाख ड्युरेक्स कंडोम देणार आहोत, जो डिझेल आणि ड्युरेक्सचा संयुक्त प्रयत्न असेल. डिझेलने कंडोमच्या डोंगराशी संबंधित फोटोही शेअर केले आहेत. डिझेलच्या या अनोख्या स्टाइलची सर्वत्र चर्चा होत आहे. एप्रिल महिन्यापासून तुम्हाला आमच्या स्टोअरमध्ये मोफत कंडोम दिले जातील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.