चीन तालिबानमध्ये बैठक,महिलांच्या अधिकारांसह या मुद्द्यांवर चर्चा

चीनचे परराष्ट्र (China Foreign Minister) मंत्री वांग यी (Wang Yi) यांनी सोमवारी कतारची राजधानी दोहा येथे तालिबानचे उपपंतप्रधान मुल्ला अब्दुल घनी (Abdul Ghani Baradar) यांची भेट घेतली आहे . यादरम्यान त्यांनी तालिबानला (Taliban) त्यांच्या शेजारी देशांशी मैत्रीपूर्ण धोरण अवलंबण्याचे आवाहन केले आहे . यासोबतच तालिबानकडून महिलांच्या हक्कांचे रक्षण करण्याची अपेक्षा त्यांनी व्यक्त केली आहे . या बैठकीत बरादार यांनी वांग यांना अफगाणिस्तानातील (Afghanistan)सद्यस्थितीची माहिती दिली असून ते म्हणाले की, देशात सातत्याने सुधारणा होत असून सरकारी निर्णयांची प्रभावीपणे अंमलबजावणी केली जात आहे.(Meeting between China Foreign Minister Wang Yi & Taliban leader Abdul Ghani Baradar in Doha)

एक वृत्तसंस्थेच्या आवाहलानुसार या बैठकीदरम्यान चीनचे परराष्ट्र मंत्री वांग म्हणाले की, अफगाणिस्तानकडे सध्या देशाची पुनर्बांधणी करण्याची ऐतिहासिक संधी आहे, त्याच वेळी, अफगाणिस्तान एकाच वेळी मानवतावादी संकट, आर्थिक अराजकता, दहशतवादाचा धोका आणि प्रशासनातील अडचणींसह अनेक आव्हानांना तोंड देत आहे. या आव्हानांवर मात करण्यासाठी अफगाणिस्तानला आंतरराष्ट्रीय समुदायाच्या अधिक समर्थनाची गरज आहे.असे मत देखील त्यांनी व्यक्त केले आहे.

वांग यांनी आशा व्यक्त केली की तालिबान आगामी काळात सहिष्णुता दाखवेल, अफगाणिस्तानातील सर्व वांशिक गट आणि गटांना देशाच्या शांततापूर्ण पुनर्रचनेसाठी एकत्र करतील आणि महिला आणि मुलांच्या हक्कांचे आणि हितांचे प्रभावीपणे संरक्षण देखील करतील.

त्याचबरोबर चीनच्या परराष्ट्रमंत्र्यांनी तालिबानला त्यांच्या शेजारी देशांप्रती मैत्रीपूर्ण धोरण अवलंबण्याचे आणि लोकांच्या इच्छेनुसार तसेच काळाच्या प्रवृत्तीनुसार आधुनिक देश तयार करण्याचे आवाहन केले आहे . वांग म्हणाले की, चीन नेहमीच अफगाणिस्तानच्या सार्वभौमत्वाचा, स्वातंत्र्याचा आणि प्रादेशिक अखंडतेचा आदर करतो आणि अफगाणिस्तानच्या जनतेला स्वतंत्रपणे स्वतःचे भवितव्य ठरवण्यासाठी आणि विकासाचा मार्ग निवडण्यासाठी पाठिंबा देत राहील.

युनायटेड नेशन्स सिक्युरिटी कौन्सिलने सूचीबद्ध केलेली आंतरराष्ट्रीय दहशतवादी संघटना ईस्ट तुर्कस्तान इस्लामिक मूव्हमेंट (ईटीआयएम) चीनच्या राष्ट्रीय सुरक्षा आणि प्रादेशिक अखंडतेलाच नव्हे तर देशांतर्गत स्थिरता आणि अफगाणिस्तानातील दीर्घकालीन स्थैर्यालाही धोका निर्माण करते यावर वांग यांनी भर दिला. ते म्हणाले की, आम्हाला आशा आहे आणि विश्वास आहे की अफगाण ईटीएम आणि इतर दहशतवादी संघटनांवर कठोर कारवाई करण्यासाठी प्रभावी उपाययोजना करेल.