Mali Terrorist Attack: दहशतवादी हल्ल्याने माली हादरले, लष्करी तळ आणि बोटीला केले लक्ष्य; 64 जणांचा मृत्यू

Mali Terrorist Attack: मालीमध्ये लष्करी तळ आणि प्रवासी बोटीवर दोन वेगवेगळ्या संशयित जिहादी हल्ल्यांमध्ये चौसष्ट लोक ठार झाले.
Terrorist
TerroristDainik Gomantak

Mali Terrorist Attack: मालीमध्ये लष्करी तळ आणि प्रवासी बोटीवर दोन वेगवेगळ्या संशयित जिहादी हल्ल्यांमध्ये चौसष्ट लोक ठार झाले. या हल्ल्यांमध्ये नायजर नदीवरील टिम्बकटू बोट आणि उत्तर गाओ प्रदेशातील बंबा येथील लष्कराच्या स्थानाला लक्ष्य करण्यात आले, ज्यात 49 नागरिकांचा मृत्यू झाला, असे एएफपी वृत्तसंस्थेने अधिकृत विधानाचा हवाला देत वृत्त दिले. आणि 15 सैनिक ठार झाले. या हल्ल्यात किती लोक मारले गेले हे अद्याप स्पष्ट झालेले नाही. अल-कायदाशी संबंधित एका गटाने या हल्ल्यांची जबाबदारी स्वीकारल्याचे एएफपीच्या वृत्तात म्हटले आहे. लष्कराच्या म्हणण्यानुसार, बोटीवर 1100 GMT च्या सुमारास हल्ला करण्यात आला.

बोटीवर तीन रॉकेटने हल्ला केला

मिळालेल्या माहितीनुसार, बोटीचे ऑपरेटर कोमानव यांनी सांगितले की, जहाज नदीकाठी असलेल्या शहरांमधील स्थापित मार्गावरुन निघाले होते, याचदरम्यान हल्ला करण्यात आला. एएफपीच्या मते, सोशल मीडियावर शेअर केलेल्या छायाचित्रांमध्ये नायजर नदीवर काळ्या धुराचे ढग उठताना दिसत आहेत. दुसरीकडे, अल-कायदा-संबंधित सपोर्ट ग्रुप फॉर इस्लाम अँड मुस्लिम (जीएसआयएम) ने ऑगस्टमध्ये घोषित केले होते की, ते उत्तर मालीमधील ऐतिहासिक क्रॉसरोड शहर टिम्बकटूला ब्लॉक करत आहेत.

Terrorist
Terrorist Attack: पाकिस्तानात पुन्हा दहशतवादी हल्ला, तीन जवानांसह एक दहशतवादी ठार

जंटाच्या दहशतवादी गटांवर हवाई हल्ले

याआधी बुधवारी, जंटाने सांगितले की, त्यांनी देशाच्या उत्तरेकडील हल्ल्यांची योजना आखत असलेल्या दहशतवादी गटांवर हवाई हल्ले केले. X वर एक पोस्ट शेअर करताना लष्कराने म्हटले की, 'प्रतिबंधात्मक FAMA (मालियन सशस्त्र दल) हवाई हल्ल्यांनंतर एक हवाई कारवाई करण्यात आली, ज्यात सशस्त्र दहशतवादी गटांना लक्ष्य केले गेले ज्यात एक वाँटेड दहशतवादी म्होरक्या होता.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com