China Landslide News: चीनच्या पर्वतीय भागात मोठी दुर्घटना झाल्याची बातमी आहे. मिळालेल्या माहितीनुसार, चीनमध्ये भूस्खलन झाले आहे. पर्वतीय भागात झालेल्या या भीषण भूस्खलनाच्या दुर्घटनेत 44 जण ढिगाऱ्याखाली गाडले गेले आहेत. त्यामुळे अनेक घरांची पडझड झाली आहे. या भीषण भूस्खलनात मोठ्या प्रमाणात घरे ढिगाऱ्याखाली गाडली गेल्याचे वृत्त आहे. भूस्खलनाचे कारण अद्याप समजू शकलेले नाही.
दरम्यान, चीनमधील युनान या पर्वतीय भागात एक मोठी दुर्घटना घडली आहे. वास्तविक, भूस्खलनात 44 लोक ढिगाऱ्याखाली दबल्याचे वृत्त आहे. घटनास्थळावरुन 200 जणांची सुटका करण्यात आली आहे. मदत आणि बचाव कार्य अजूनही सुरु आहे. भूस्खलनात अनेक घरे उद्ध्वस्त झाली आहेत. मीडिया रिपोर्ट्सनुसार, ही घटना चीनच्या दक्षिण-पश्चिम प्रांत युनानमध्ये घडली. युनानमधील लियांगसुई गावात सोमवारी सकाळी सहा वाजता भूस्खलन झाले.
अपघाताचा परिसर झेनजियांग काउंटीमधील तांगफांग शहराचा आहे. घटनास्थळी मदत आणि बचाव कार्य सुरु असल्याचे प्रशासनाने निवेदन जारी केले आहे. भूस्खलनात 18 घरे ढिगाऱ्याखाली गाडले गेल्याचे वृत्त आहे.
दरम्यान, बाधित भागातून मोठ्या प्रमाणात लोकांना सुरक्षितस्थळी हलवण्यात आले आहे. ढिगाऱ्याखाली दबलेल्या लोकांना बाहेर काढण्याचेही प्रयत्न सुरु आहेत. भूस्खलनाचे कारण अद्याप समजू शकलेले नाही. चीनच्या युनान प्रांतात भूस्खलनाच्या घटना घडत आहेत. हा चीनचा एक अतिदुर्गम भाग आहे, जिथे मोठे पर्वत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
