London Crime: लंडनमधून एक धक्कादायक बातमी समोर येत आहे. एका वृद्ध व्यक्तीने आपल्या पत्नीसोबत असे कृत्य केले, ज्याची तुम्ही कल्पनाही केली नसेल. या शीख वृद्ध व्यक्तीने स्वतः पोलीस ठाण्यात जाऊन आपल्या गुन्ह्याची कबुली दिलीच, पण आता 29 सप्टेंबर 2023 रोजी त्याला या गुन्ह्याची शिक्षा सुनावण्यात येणार आहे.
खरे तर, 79 वर्षीय ब्रिटिश शीख वृद्ध व्यक्ती पत्नी माया देवी आणि तीन मुलांसह लंडनमध्ये राहतात. एके दिवशी ते लंडनमधील (London) पोलिस स्टेशनमध्ये पोहोचले. पोलिसांसमोर आपल्या गुन्ह्याची कबुली देताना त्यांनी सांगितले की, 'मी माझ्या 77 वर्षीय पत्नीची बॅटने ठेचून हत्या केली.' हे ऐकून पोलिसांना धक्काच बसला.
दरम्यान, पोलिसांनी (Police) घटनास्थळी जाऊन पाहिले असता रक्ताच्या थारोळ्यात पडलेल्या मायाचा मृत्यू झाला होता. पोलिसांनी दिलेल्या माहितीनुसार तरसेम सिंग असे आरोपीचे नाव आहे. त्याला तीन मुले आहेत. न्यायालय आता 29 सप्टेंबर 2023 रोजी आरोपींना शिक्षा सुनावणार आहे.
सध्या पोलीस डॉक्टरांच्या मदतीने तरसेम यांची मानसिक स्थिती जाणून घेण्याचा प्रयत्न करत आहेत. हत्येचे कारण काय, याबाबत वारंवार विचारणा करुनही त्यांनी आजपर्यंत कोणताही खुलासा केलेला नाही.
आतापर्यंतच्या तपासात घरगुती कलहातून आरोपीने या वयात हा गुन्हा केल्याचा अंदाज वर्तवण्यात येत आहे. मात्र, पोलिस या प्रकरणाचा वेगवेगळ्या दृष्टिकोनातून तपास करत आहेत.
या प्रकरणाचा तपास करणाऱ्या पोलीस अधिकाऱ्यांच्या म्हणण्यानुसार, आम्ही तिन्ही मुलांसोबत आहोत. आरोपीने आपल्या गुन्ह्याची कबुली दिली, पण ती अशी कोणती गोष्ट होती, ज्यावरुन तो अचानक एवढा हिंसक झाला, हे अद्याप तरी कळलेले नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
